Օգնող ձեռքերը ամբողջ աշխարհում
Ծանոթացեք Թաիթիից Ռեյերիի հետ
Ծանոթացեք Երեխաների միության երեխաների հետ, ովքեր օգնում են ուրիշներին Հիսուսի օրինակով:
Ամեն ինչ Ռեյերիի մասին
Տարիքը՝ 9
Ապրելու վայրը՝ Թաիթի
Լեզուն՝ ֆրանսերեն
Ընտանիքը՝ մայր, հայր, երեք եղբայր և մի քույր
Նպատակներ և երազանքներ. 1) Սովորել դաշնամուր նվագել: 2) Կարդալ Մորմոնի Գիրքը: 3) Դառնալ բժիշկ կամ օդաչու:
Ռեյերիի օգնող ձեռքերը
Ռեյերին սիրում է այցելել իր տատիկին՝ Մամիին: Նա կարող է խաղալ լողափին և ձուկ որսալ ծովածոցում: Նա ուտում է մանգո և բանան, որոնք քաղում է ծառերից: Մի քանի տարի առաջ նա ծանոթացավ Մամիի ընկերների՝ Կալիի և Միայի հետ:
Ամեն առավոտ Ռեյերին և Մամին միասին կարդում են Մորմոնի Գիրքը: Կալին և Միան սկսեցին միանալ նրանց: Ռեյերին օգնում էր բացատրել սուրբ գրությունները, որպեսզի նրանք հեշտությամբ հասկանային:
Ռեյերին և նրա եղբայրները սիրում են օգնել Կալիին ձուկ որսալիս: Մի օր Ռեյերին ասաց. «Եկեք աղոթենք մեր անվտանգության համար և, որ շատ ձուկ որսանք: Այդ օրը Կալին ավելի շատ ձուկ որսաց, քան երբևէ նախկինում: Կալին որոշեց միշտ աղոթել ձկան որսից առաջ:
Ռեյերին պատրաստվում էր մկրտվել: Նա ասաց Կալիին այդ մասին: Իսկ հետո միսիոներները եկան և Կալիին ու Միային ուսուցանեցին ավետարանի մասին: Երբ Կալին ու Միան մկրտվեցին, Ռեյերին այնտեղ էր: «Ես այնքան ուրախ եմ, որ Կալին ցանկացավ հետևել Հիսուսին»,- ասաց նա:
Ռեյերիի սիրած բաները
Վայրը՝ Մամիի տունը
Հիսուսի մասին պատմությունը. Երբ նա ժողովրդի հոծ բազմությանը կերակրեց երկու ձկով և հինգ հացով
Երեխաների միության երգը. «Ես գիտեմ, որ իմ Փրկիչը սիրում է ինձ» (Friend, March 2015)
Ուտելիքը. Սաշիմի՝ պատրաստված օվկիանոսային թարմ ձկից, և շոկոլադե տորթ՝ իր նախատատերի բաղադրատոմսով
Գույնը՝ կարմիր
Դպրոցական առարկան՝ մաթեմատիկա
Ռեյերին և Կալին՝ իրենց բռնած թարմ ձկների հետ։
Նկարները` Մարտեն Լենիորի