កម្មវិធីបង្ហាញ ហើយ និទានប្រាប់
យើងបានទៅព្រះវិហារនៅជនបទ ហើយបានឃើញសត្វទា និងមាន់ ! ខ្ញុំមានអំណរគុណចំពោះសត្វទាំងឡាយដែលព្រះបានបង្កើតមក ។
បូរីស អិម អាយុ ៩ ឆ្នាំ ទីក្រុងកូរៀនតេស ប្រទេសអាហ្សង់ទីន
ពេលយើងមានព្រះវិហារនៅផ្ទះ ខ្ញុំបានបង្រៀនគ្រួសារខ្ញុំអំពីការបញ្ចាំងពន្លឺដូចជាផ្កាយមួយ ។ គ្រប់គ្នាបានធ្វើផ្កាយមួយ ហើយសរសេរលើវាអំពីរបៀបដែលពួកគេបញ្ចាំងពន្លឺ ។
ដេវីដ អេ អាយុ ៨ ឆ្នាំ រដ្ឋ ហ្លូរីដា ស.រ.អា.
ខ្ញុំធ្វើតាមគំរូរបស់ព្រះយេស៊ូវគ្រីស្ទ ដោយការបង្ហាញសេចក្ដីស្រឡាញ់ និងជួយមនុស្សដទៃទៀត ។
ម៉ាចូរី ស៊ី អាយុ ៧ ឆ្នាំ ទីក្រុងមើរស៊ីសាយដ៍ ប្រទេសអង់គ្លេស
ពេលខ្ញុំបានទទួលបុណ្យជ្រមុជទឹក ខ្ញុំពុំបានមានអារម្មណ៍ពិសេសភ្លាមៗទេ ប៉ុន្តែប៉ារបស់ខ្ញុំបានប្រាប់ខ្ញុំថា ថ្ងៃមួយនឹងមានអារម្មណ៍ពិសេស ។ ឥឡូវនេះ ខ្ញុំពិតជាមានអារម្មណ៍ពិសេសអំពីវា ។
អៃឌេន ធី អាយុ ៩ ឆ្នាំ រដ្ឋ អាឡាស្កា ស.រ.អា.
ខ្ញុំបានទទួលអារម្មណ៍មួយនៅពេលអាហារថ្ងៃត្រង់ ថាមិនឲ្យលេងនៅលើបន្ទះក្ដារនៅម៉ោងចេញលេង ។ ខ្ញុំមិនអើពើនឹងអារម្មណ៍នោះទេ ហើយបានលេងនៅលើបន្ទះក្ដារនោះ ។ ខ្ញុំបានធ្លាក់ ហើយបាក់ដៃខ្ញុំ ។ ខ្ញុំដឹងថា ព្រះវិញ្ញាណបរិសុទ្ធនឹងប្រទានការព្រមានដ៏ស្ងាត់ស្ងៀមដល់ខ្ញុំ ។
ម៉ាក់ខេដ ដ័បបុលយូ អាយុ ១១ ឆ្នាំ រដ្ឋវ៉ាស៊ីនតោន ស.រ.អា.
មិត្តល្អបំផុតរបស់ខ្ញុំបានឆ្លងកាត់រឿងជាច្រើន ហើយខ្ញុំបានធ្វើអំណោយពិសេសមួយសម្រាប់បុណ្យអ៊ីស្ទើរ ។ ពេលខ្ញុំបានឲ្យវាដល់នាង ខ្ញុំបានមានអារម្មណ៍ល្អក្នុងចិត្ត ដោយដឹងថា ខ្ញុំកំពុងជួយមិត្តរបស់ខ្ញុំ ។
លេឡា ភី អាយុ ១០ ឆ្នាំ រដ្ឋតាសម៉ានី ប្រទេសអូស្ត្រាលី
ពិធីសាក្រាម៉ង់
ពេលយើងទទួលទានសាក្រាម៉ង់
យើងទូលសូមព្រះវរបិតាសួគ៌ដើម្បីជួយយើងឲ្យប្រែចិត្ត ។
ដើម្បីជម្រះយើងឲ្យស្អាតស្អំ ចេញពីទុក្ខសោក និងអំពើបាប
ដើម្បីយើងអាចចាប់ផ្ដើមជាថ្មីរៀងរាល់ថ្ងៃអាទិត្យ ។
យើងទទួលទានទឹក និងនំប៉័ង
ហើយបន្ទាប់មកចងចាំនៅក្នុងគំនិតយើង ។
យើងត្រូវចងចាំដល់ព្រះយេស៊ូវជានិច្ច ។
យើងរស់ដោយសារទ្រង់បានសុគតជំនួសយើង ។
ម៉ាឌើលីន អរ អាយុ ៩ ឆ្នាំ រដ្ឋយូថាហ៍ ស.រ.អា
សូហ្វៀ អេ អាយុ ៦ ឆ្នាំ ទីក្រុងប៉ារ៉ាណា ប្រទេសប្រេស៊ីល
« ស្ដាប់ទ្រង់ » ស្កាឡិត អេច អាយុ ៧ ឆ្នាំ ខេត្តអាល់ប៊ើតា ប្រទេសកាណាដា
« ទ្រង់មានព្រះជន្មរស់ » អែលីហ្សា អេស អាយុ ១០ ឆ្នាំ រដ្ឋអៃដាហូ ស.រ.អា.
អាំមុន អេច អាយុ ១០ ឆ្នាំ រដ្ឋអៃដាហូ ស.រ.អា
យ៉ូស្វេ អិម អាយុ ៦ ឆ្នាំ រដ្ឋហេសេ ប្រទេសអាល្លឺម៉ង់