Tusigamanatu o le Konafesi
O Le A Tatou Toe Ola
Na aoao mai Sister Aburto e uiga i le Toetu o Iesu Keriso. Ona ia faamatalaina lea o se tala mai lona olaga. Ina ua iva ona tausaga, sa maliu lona tuagane. Sa ia mafaufau, “O fea ua ia alu i ai? Pe ou te toe vaai ea ia te ia?” Sa ia aoaoina e faapea, ona o le Toetu, o le a toe ola ai lona tuagane! Sa fesoasoani le Agaga Paia ia te ia ia lagona le mafanafana ma le faamoemoe.
O lea mea ua aoaoina ai a’u:
Taumafai ia Avea Faapei o Iesu
Sa faasoa mai e Elder Stevenson se tala e uiga i le agalelei. Sa taufaalilili se tamaitiiti e igoa ia Minchan ma tamaiti o le latou vasega i se tamaitiiti i le aoga. Ina ua ia iloa le faanoanoa tele o le tamaitiiti, na lagona e Minchan le faanoanoa tele! Sa ia faatoese i ai. Sa ia tau atu i tamaiti o lana vasega e taofi le faipona i le tamaitiiti. Na avea Minchan ma uo a le tamaitiiti. Sa ia mulimuli i le faataitaiga a Iesu.
O lea mea ua aoaoina ai a’u:
Auaunaga i le Malumalu
Na saunoa mai Peresitene Eyring e faapea, a o laitiiti lona afafine, sa alu o ia i le malumalu e faia papatisoga i le malumalu. O ia le tagata mulimuli na papatisoina i lena aso. Ae peitai sa tele pea igoa na totoe. Sa fesiligia pea lava pea o ia e tagata faigaluega o le malumalu, “E mafai ona e faia nisi papatisoga?” O taimi uma lava sa ia fai atu ioe. Sa naunau o ia e auauna atu i le Alii.
O lea mea ua aoaoina ai a’u:
Fesoasoani i Isi
Sa fai maiElder Becerra a o laitiiti o ia, sa vaavaai atu lava lona tama mo tagata o loo manaomia le fesoasoani. O le a ia faapea mai, “Pobrecito” (talofa e, si tagata faatauvaa). Ona ia sue lea o se auala e fesoasoani ai. Na aoaoina e Elder Becerra ia maua le agaalofa mo isi. O tagata taitoatasi o se atalii/afafine o le Atua, ma e mafai ona tatou fesoasoani ia i latou.
O lea mea ua aoaoina ai a’u:
Ata na tusia e Bryan Beach