Sau, Mulimuli Mai ia te A’u
Taimi Fiafia i Tusitusiga Paia mo Fanau Laiti
E mafai ona e faaaogaina manatu nei e fesoasoani e aoao atu ai mai le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.
Mo le Mataupu Faavae ma Feagaiga 45: Faitau le Mataupu Faavae ma Feagaiga 45:32 ma fesoasoani i au fanau laiti ia fai mai, “E mafai ona ou tu i nofoaga paia.” Taaalo i se taaloga e vaai ai po o ai e mafai ona tu muamua ma fai mai se mea lelei se tasi na latou faia i lena aso.
Mo le Mataupu Faavae ma Feagaiga 46–48: Faitau le Mataupu Faavae ma Feagaiga 46:11. Ona fesoasoani lea i lau fanau laiti e faatumu le avanoa: “ou te lelei i le …” Fesoasoani ia i latou ia iloa a latou taleni ma meaalofa faaleagaga.
Mo le Mataupu Faavae ma Feagaiga 49–50: Faitau le Mataupu Faavae ma Feagaiga 50:41. Fesoasoani i lau fanau laiti ia fai mai, “E alofa Iesu Keriso ia te au.” Ia faasolo atu i itulau o se mekasini a le Ekalesia ma vaai pe fia ata o Iesu e mafai ona e faitauina.
Mo le Mataupu Faavae ma Feagaiga 51–57: Faitau le Mataupu Faavae ma Feagaiga 51:9 ma fesoasoani i au fanau laiti e fai mai, “E mafai ona ou faamaoni!” Faamatala atu i lau tama se tala e uiga i se taimi na e filifili ai e te faamaoni.
Mo le Mataupu Faavae ma Feagaiga 58–59: Faitau le Mataupu Faavae ma Feagaiga 59:7. Ona taaalo faatasi lea i le taaloga saili lea o le loto faafetai ma a outou fanau laiti. O i se savaliga ma faapea atu, “O loo ou autilo i se mea (lanumumu, laititi, ma isi mea.) ou te faafetai ai.” Vaai pe mafai ona latou mauaina!