Lima Fesoasoani i le salafa o le Lalolagi
Feiloai ia Sofi mai Nouei
Feiloai i tamaiti o le Peraimeri o loo fesoasoani atu i isi, e pei ona sa faia e Iesu.
E faatatau uma lava ia Sofi
Tausaga: 7
Sau Mai: Nouei
Gagana: faaNouei
Aiga: Tinā, Tamā, ma le tuagane laititi o Iakopo
Sini ma miti:1) Ia vave papatisoina.2) Aoao e ta le piano.3) Malaga i nofoaga fou.
Lima Fesoasoani a Sofi
O matua matutua o Sofi e nonofo latalata i le sami. O Sofi ma lona tuagane laitiiti, o Iakopo, e fiafia e fesoasoani i lo la tinamatua e faamama le matafaga e ala i le aveeseina ma le faaeteete o fasi tioata ma isi mea. Latou te faamautinoa ua mama ma saogalemu le matafaga mo meaola ma tagata uma.
Fai mai Sofi, “Sa aoao i tatou e Iesu ina ia alofa le tasi i le isi ma ia fesoasoani le tasi i le isi. O le tausia o le natura ma fesoasoani e faatumauina le mama ma le saogalemu mo tagata soifua ma meaola o se auala lea e fesoasoani atu ai i isi. E ala i le tausia o le lalolagi o loo siomia ai i tatou, ua tatou tausia le aiga o tagata uma. O le lalolagi na foafoaina e le Atua mo i tatou o se faamanuiaga sili lea! ”
O Mea e Sili ona Fiafia i ai Sofi
Nofoaga: Aiga
Tala e uiga ia Iesu: O le tala i le fanau mai o Iesu
Pese a le Peraimeri: “Tala o le Tusi a Mamona” (Tusipese a Tamaiti, 118)
Meaai: Tacos
Lanu: Piniki
Mataupu i le aoga: PE