Sinulat Nimo
Paghimo og Pan alang sa Akong Misyon
Atol sa bakasyon sa pag-eskwela dihang nag-edad ako og walo, ang akong papa nangutana kanako kon gusto ba ko nga adunay buhaton aron makakita og kwarta alang sa akong misyon. Naghunahuna ko nga maayo kini nga ideya, apan dili ko sigurado kon unsay buhaton. Human maghunahuna, nakahukom kami nga maghimo og pan. Nianang gabhiona, nakahimo kami og 20 ka buok nga pan. Wala kami masayod kon mahalin kini, apan human namo gipost kini sa social media, kining tanan nahalin sa usa ka gabii!
Mihimo ako og tumong sa pagpadayon og himo ug pagpamaligya og pan. Sa sinugdanan makalingaw kini. Apan paglabay sa panahon, sa tinuod lang, ingon og dili na kini sama ka makalingaw. Lisod kini! Kinahanglan kong momata og alas sais sa buntag sa dili pa moeskwela aron sa pagmasa og harina [dough]. Dayon mitabang ang akong mama sa pagluto niini atol sa adlaw. Sa dihang mauli ko gikan sa eskwelahan, kinahanglan nakong puston ang mga tinapay, ihatod kini, ug limpyohan ang ekipo sa pagluto.
Kinahanglan usab ko nga makig-istorya sa mga tawo nga dili kaayo nako kaila. Usahay wala ako masayod kon unsay isulti. Usa kadto sa labing lisod nga mga bahin. Ang akong mga ginikanan mipasabot nga ang punto niini dili lang aron makakita og kwarta alang sa akong misyon apan usab aron makat-on sa pagkugi ug sa pakig-istorya sa mga tawo. Nagsugod ko nga mobati nga mas komportable. Ug sa wala madugay, nalingaw na ko sa pagbuhat niana!
Ang akong pan nga negosyo mitudlo gayod kanako unsaon sa pagtrabaho! Nasayod ko nga unsay nakat-onan nako gikan niini nga tumong makatabang kanako sa akong misyon.
Mga paghulagway ni Steve Brown