Matinabangong mga Kamot [Helping Hands] sa tibuok Kalibotan

Himamata si Karles gikan sa Puerto Rico

Himamata ang mga bata sa Primary nga nagtabang sa uban, sama sa gibuhat ni Jesus.

Tanan kabahin ni Karles

Edad: 6

Gikan sa: Puerto Rico

Mga Pinulongan: Spanish, Portuguese, English

Pamilya: Mama ug Papa

Mga tumong ug mga pangandoy: 1) Moserbisyo og misyon.2) Mahimong bombero, doktor, o polis.

Matinabangong mga Kamot [Helping Hands] ni Karles

Si Karles ganahang motabang sa mga tawo. Ang iyang inahan miingon nga siya adunay espesyal nga gasa sa pagserbisyo sa uban.

Niadtong Enero 2020 usa ka kusog nga linog ang miigo sa Puerto Rico. Makalilisang kini nga panahon alang sa tanan. Si Karles ug ang iyang pamilya kinahanglan nga matulog sa ilang sakyanan sulod sa daghang semana. Apan nagpahiyom gihapon si Karles ug dali nga mitabang. Mitabang siya sa paghatag og mga hygiene kit ngadto sa uban kinsa nawad-an sa ilang mga panimalay ug niadtong kinsa mga masakiton ug tigulang.

Mitabang usab si Karles sa usa ka internasyonal nga adlaw sa pagserbisyo diha sa Caribbean. Mitabang siya sa mga tawo sa iyang branch nga manguha og mga dahon ug manglimpyo og mga nataran. Ganahan si Karles nga motabang sa iyang mga ginikanan pinaagi sa paglaba sa mga sinina, pagtrabaho diha sa tanaman, ug pagmasa og harina [dough] para sa iyang paborito nga pagkaon, ang pizza!

Mga Paborito ni Karles

Dapit: Ang water park

Istorya mahitungod ni Jesus: Sa dihang si Jesus miayo sa mga sanlahon

Awit sa Primary: “Mipadala sa Bugtong Anak” (Songbook sa mga Bata, 20–21)

Pagkaon: Puting bugas, gilauya nga abitsuylas [stewed beans], manok, ug pizza

Kolor: Pula

Hilisgotan sa eskwelahan: edukasyon sa panglawas [PE] ug matematika