Mga Kard sa Kasaysayan sa Simbahan
Guntinga ang mga kard, pil-a diha sa tuldok-tuldok nga linya, ug i-tape kini aron masirado.
Marie Cardon
1834–1914
“Ang Dios nag-uban kanako.”
-
Isip usa ka batang babaye, nagdamgo siya mahitungod sa mga misyonaryo nga nagtudlo sa iyang pamilya didto sa Italy.
-
Sa dihang tin-edyer pa siya, ang mga misyonaryo mitudlo sa iyang pamilya ug mibunyag kanila.
-
Usa ka adlaw sa dihang ang mga misyonaryo anaa didto, miabot ang usa ka masuk-anong pundok sa mga manggugubot. Maisugong gipataas ni Marie ang iyang Biblia ug gisultian sila sa pagbiya. Ug mibiya sila!
-
Siya ug ang iyang pamilya milawig tabok sa kadagatan ug mitabok sa kapatagan aron makauban ang mga Santos.
Anthon Lund
1844–1921
“Ang Ginoo mipanalangin gayod kanako.”
-
Natawo siya sa Denmark ug gipadako sa iyang lola.
-
Ang mga misyonaryo mitudlo kaniya sa ebanghelyo. Nabunyagan siya sa edad nga 12.
-
Mibiyahe siya paingon sa Utah aron makauban ang mga Santos. Sa wala madugay, nahimo siyang presidente sa misyon balik didto sa Europe.
-
Miserbisyo siya isip usa ka Apostol ug isip sakop sa Unang Kapangulohan.
Mga paghulagway ni Brooke Smart