Minahal nga mga Higala
Ang Langitnong Amahan naghatag kanato og daghang mga gasa—sama sa mga templo, mga kasulatan, sa atong mga lawas, ug sa atong Manluluwas. Gusto niya nga atong tagdon ug hisgutan kining mga gasa nga may pagrespeto ug balaang pagtahud. Kon ato kining buhaton, atong gipakita sa Langitnong Amahan nga mapasalamaton kita sa mga gasa nga Iyang gihatag kanato. Dulaa ang mga dula diha sa pahina 24 aron makat-on pa og dugang. Unsay imong buhaton aron sa pagpakita og balaang pagtahud ug pagrespeto?
Nahigugma kami kaninyo!
Ang Higala
Gusto Kami nga Makakita sa Templo
Si Hannah ug si Hayley-Jane N., edad 9 ug 8, mibisita sa Templo sa St. Paul Minnesota.
Diin Ako Magbasa sa Higala
Samanta G., edad 10, nagbasa sa Higala sa Kinatsila didto sa Nuevo Leon, Mexico!
Mga biyahe uban ni Margo ug Paolo
Kami wala makahimo sa pagbiyahe atol sa COVID-19, mao nga nakahukom kami nga magbiyahe kintahay sa kalibutan. Naghimo kami og gagmayng maleta hinimo sa mga kahon aron butangan kuno sa among mga pasaporte kintahay, mga tiket, ug mga journal sa pagbiyahe. Ganahan kami nga magkat-on ug magbiyahe sa kalibotan uban ni Margo ug Paolo! Salamat sa pagtabang kanamo sa pagtuman sa among intelektwal nga tumong alang sa mga Kabataan ug Kabatan-onan.
Connor ug June H., edad 7 ug 9, Wyoming, USA