Human si Jesukristo mikaon sa Iyang kataposang panihapon uban sa Iyang mga disipulo, Iyang gihugasan ang ilang mga tiil. Nakalitan sila tungod kay Siya mao ang ilang Ginoo ug Magtutudlo. Nagtuo sila nga kinahanglan sila ang mohugas sa Iyang mga tiil. Gipasabot Niya nga gibuhat kini Niya aron sa pagtudlo kanila kon unsa kaimportante ang pag-atiman sa usag usa, bisan sa mga tawo kinsa ingon og dili kaayo importante. Si Jesus mitudlo nga mahimo kitang malipayon kon motabang kita sa uban.
Imahe
Portrait of a young girl dressed in white standing outside a Temple. Her name is Abigail.
Alang sa pagsaulog sa akong ikawalong adlawng natawhan, tanan sa akong mga higala nagdala og pipila ka gamit sa eskwelahan, ug magkauban kaming naghimo og mga kit alang sa mga bata nga walay mga butang alang sa pag-eskwela. Nakapalipay kini kanako nga naghunahuna kon unsa ka mahinamon ang mga bata nga mokuha sa mga kit sa eskwelahan. Ganahan ko nga magserbisyo uban sa akong mga higala ug pamilya. Nasayod ko nga ang pagserbisyo sa uban makahatag kanato og hingpit nga kalipay, kalinaw, ug gugma.