Tusia e Oe
Taoina Falaoa mo La’u Misiona
I se malologa a le aoga ina ua valu o’u tausaga, sa fesili mai lo’u tama pe ou te fia faia se mea e maua ai se tupe mo la’u misiona. Sa ou faapea o se manatu lelei, ae sa ou le mautinoa po o le a le mea e fai. Ina ua mavae ni mafaufauga, sa ma’ua filifili loa e fai se falaoa. I lena po, sa ma faia ai ni potoi falaoa se 20. Ma te le’i iloa pe o le a taulia, ae ina ua ma’ua tuuina i luga o faasalalauga faaagafesootai, sa faatauina uma i le po e tasi!
Sa ou faatuina se sini e faaauau ona ou faia ma faatau atu falaoa. I le taimi muamua sa malie. Ae i le aluga o taimi, ina ia faamaoni, sa le’i lagona ai le fiafia. O se galuega faigata! E tatau ona ou ala a’e i le ono i le taeao a o le’i amataina le a’oga e fai le paluga. Ona fesoasoani lea o lo’u tina e tao i le aluga o le aso. Ina ua o’u sau i le fale mai le aoga, sa tatau ona ou tuu ato ia falaoa, tiliva atu, ma faamama ia masini tao falaoa
Sa tatau foi ona ou talanoa i tagata ou te le’i iloa lelei. O nisi taimi sa ou leiloa ni tala o le a fai. O se tasi lena o vaega aupito sili ona faigata. Na faamatala mai e o’u matua o le autu o lenei mea e le na ona maua ai o tupe mo lau misiona ae ia aoao foi e galue malosi ma talanoa i tagata. Sa amata ona ou faalogoina le mafanafana. Ma i sina taimi mulimuli ane, sa ou fiafia lava e fai lena mea!
O la’u pisinisi falaoa na aoaoina mautinoa a’u i le auala e galue ai! Ou te iloa o mea ua ou aoaoina mai i lenei sini o le a fesoasoani ia te au i la’u misiona.
Ata na tusia e Steve Brown