Tusia e Oe
Sa Papatisoina A’ue Lo’u Tuagane
Ina ua toeitiiti atoa lo’u valu tausaga, sa fesili mai ou matua pe ou te manao i lo’u tuagane o Enzo e papatisoina a’u. I le taimi muamua sa ou le mautinoa pe ou te manao e fai e ia. Ae peitai sa ou filifili loa e fesili ia te ia e na te papatisoina a’u.
Sa ma faataitai ma lo’u tuagane ae lei faia la’u papatisoga. Sa ia ta’u mai ia te au le mea o le a ia fai mai ai ma le taimi e tatau ai ona ou polokaina lo’u isu e sauni ai e alu i totonu o le vai. Sa fesoasoani lo’u Tama ia Enzo e tauloto le tatalo o le papatisoga.
Ou te manao i lo’u aiga atoa ina ia faia se vaega i lo’u papatisoga. O o’u uso o Choe ma Margo sa avea ma molimau. O Margo ma lo’u tina sa tuuina atu ia lauga. Na faatino e Chloe se musika pese i luga o le vaiolini. Sa papatisoina a’u e Enzo, ma sa faamauina e lo’u Tama a’u o se tagata o le Ekalesia ma tuuina mai ia te a’u le meaalofa o le Agaga Paia.
A o ou sauni ou te alu i totonu o le vai, sa ou lagona le fiafia. Sa faagaeetiaina uma lava a’u. Ina ua ou alu i totonu, sa ou lagonaina le mafanafana ma sa ou le fia sau i fafo.
O le aso na sosoo ai sa mafai ona ou tagofia le faamanatuga o se tagata fou o Le Ekalesia a Iesu Keriso o le Au Paia o Aso e Gata Ai. Sa faamanuiaina foi e lo’u tuagane le faamanatuga mo le taimi muamua lava!
Sa ese lava o’u lagona ina ua mae’a lo’u papatisoga. Sa ou lagonaina le uunaiga a le Agaga Paia ae ou te le’i papatiso, ae ua ou lagonaina lelei i le taimi nei. O loo o’u taumafai e mulimuli ia Iesu Keriso. Ou te lagona e fesoasoani le Agaga Paia ia te au e faia ni filifiliga lelei atu ma faamafanafana ia te au. Ua ou lagona le faateleina o le saogalemu, ma ou te iloa o loo leoleoina a’u e le Tama Faalelagi.