Uo i le Uo
Tasi le Paiso (Peach) i le Taimi
Mai se faatalatalanoaga ma Amber Healey
A o o’u teineitiiti, sa ave e o’u matua a’u ma lo’u uso i se togalaau aina a le Ekalesia. Sa ma i ai iina e fesoasoani e piki fualaau aina paiso. Sa matou a’e i i luga o apefai uumi ma aapa atu i ni laulaau mafiafia e aumai ai fualaau aina paiso mai laau.
I le taimi muamua sa ma fiafia. Ae e le’i umi ae mageso o ma lima i mea pei ni lauulu o fualaau aina paiso! Sa ma ta’u atu i lo ma tina, “ma te le toe fia faia lenei mea. Ma te mananao e taofi loa.”
Na fesili mai lo’u tina pe ma te iloa le mea na o uma ai fualaau aina paiso. Ina ua ma’ua tali atu leai, sa ia faamatala mai ia i ma’ua.
“O nei fualaau aina paiso taitasi ua aveina i se fale e tuu ai i latou e volenitia i ni apa. Ona tuuina atu lea o na apa i tagata e manaomia ni meaai. O tausaga taitasi e foai ai e le Ekalesia le faitau afe o ni apa meaai. ”
Na faafuasei lava ona ma le toe popole ma lo’u uso e uiga i o ma’ua lima mageso. Sa ma fesoasoani i tagata o e na manaomia ni meaai! Ina ua mavae lena, sa matou maua le fiafia e a’e i luga o apefai ma piki mai le fua moli fulufulua.
O lenei tausaga ua matou talosagaina outou ina ia auai i se valaaulia o Lima Fesoasoani (tagai le Uo Ianuari 2021). O le auauna atu i isi i le ala sa auauna atu ai Keriso i isi o se tasi o mea e sili ona taua e mafai ona e faia. O tamaiti e i ai se auala faapitoa e maitau ai i latou e le tagolima ma ofo atu la latou fesoasoani. O se galuega itiiti e tasi o le auauna atu atonu e le foliga o se mea tele i le taimi muamua. Ae afai e vaavaai tamaiti uma i le lalolagi atoa mo ni auala e auauna atu ai, o le a latou faaopoopo atu i mea ofoofogia!
Ata na tusia e Toby Newsome