Fesoasoani e Pei o Iesu

Sa Auauna atu Iesu i Isi

Ina ua uma ona taumafa Iesu Keriso i lana Talisuaga Mulimuli ma Ona soo, sa Ia mulumuluina o latou vae. Sa ofo i latou aua o Ia o lo latou Alii ma le Matai. Sa latou manatu e tatau ona latou mulumuluina ona vae. Sa Ia faamalamalama mai e faapea, na Ia faia e aoao ai i latou i le taua o le tausia e le tasi o le isi, e oo lava i tagata o e atonu e foliga mai e le taua tele. Na aoao mai Iesu o le a tatou fiafia pe a tatou fesoasoani atu i isi.

E mafai ona e faitauina lenei tala i le Ioane 13:5–17.

E Mafai ona Ou Auauna atu i Isi

• E mafai faapefea ona e auauna atu i tagata o loo siomia oe?

• Fai se tatalo ma fai se fuafuaga e fesoasoani atu.

• Fai lau fuafuaga!

• ‘Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Mo le pati o lou aso fanau lona valu, sa aumai ai e a’u uo uma ni sapalai o le aoga, ma sa matou faia faatasi ni pusa mo tamaiti e le’i maua ni mea mo le aoga. Ou te lagona ai le fiafia i lou mafaufau i le fiafia o tamaiti o le a maua ia pusa mo le aoga. Ou te fiafia e auauna atu ma a’u uo ma aiga. Ou te iloa o le auauna atu i isi e mafai ai ona aumaia ia i tatou le olioli, filemu, ma le alofa.

Abigail H. 8 tausaga, Iuta, ISA

Ata na tusia e Fátima Anaya