Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

E Mafai ona e Filifili

Usu le “O Loo Ou Taumafai e Avea e Pei o Iesu,” (Tusipese a Tamaiti,40–41).
Ua tuuina mai e le Tama Faalelagi ia i tatou ni poloaiga. E finagalo foi o Ia ia tatou faia filifiliga e faia ai isi mea lelei (tagai Mataupu Faavae ma Feagaiga 62:5, 7–8).
Faitau le tala o i le itulau e 4 ma talanoa e uiga i le filifiliga a Chung. O a ni filifiliga lelei ua e faia i lenei aso? Ia fai faatasi se, talita o le FMT e faamanatu ia te oe e filifili le mea sa’o. E mafai ona e tusia i luga o se pepa lautele pe fai ia foliga mai i mea o loo i totonu o lou fale.

Usu le “Faaaloalo o le Alofa Lea,” (Tusipese a Tamaiti,12).
Na aoao mai Iesu Keriso, “O le mea e sau mai luga ua paia, ma e ao ona tautalagia ma le faaeteete” (Mataupu Faavae ma Feagaiga 63:64). O lona uiga e tatau ona tatou faaali atu le faaaloalo ma le alofa i le Tama Faalelagi ma mea e taua ia te Ia.
Su’e i le itulau 24 e aoao atili ai e uiga i le faaalia o le faaaloalo. Ona fai lea o le gaoioiga faatasi.

Usu le “Fesoasoani Mai Ia Te A‘u Tama Pele” (Tusipese a Tamaiti, 52).
Na aoao mai Iesu e tatau ona tatou faamagalo atu i tagata uma (tagai Mataupu Faavae ma Feagaiga 64:9–10). Faitau le tala o i le itulau e 20 e iloa ai le ala na aoao ai se tamaitiiti ma lona tina e faamagalo e le tasi le isi.
Tusi i le taimi nei sou ata, lou aiga, ma le Faaola. Talanoa e uiga i auala e mafai ona e faaalia ai le alofa o le tasi i le isi, e pei o Iesu. E mafai ona e faataitai e faamalie atu ma faamagalo atu i le tasi ma le isi e ala i le faatinoina.

Usu le “Pe a ou Papatiso” (Tusipese a Tamaiti, 53).
Na aoao mai Iesu e mafai ona papatisoina fanau pe a uma ona atoa le valu tausaga (tagai Mataupu Faavae ma Feagaiga 68:27). E mafai ona e faitauina se tala e uiga i se teineitiiti o loo papatisoina i le itulau e 16.
Saili ni mea o loo siomia ai lou fale e faamanatu atu ai ia te oe le papatisoga. O se ipu vai e mafai ona faamanatu atu ai ia te oe le auala tatou te papatiso ai e ala i le faatofuina. O se fasi ie paepae e mafai ona faamanatu atu ai ia te oe le auala tatou te ofuina ai ofu papae. O se palanikeke e mafai ona faamanatu atu ai ia te oe le lagona mafanafana o le Agaga Paia. O a isi mea e mafai ona e mafaufau i ai?

Usu le “A’oa’o mai ia ou savali i le malamalama” (Tusipese a tamaiti, 70).
Na a’oa’o mai Iesu e tatau i Lana Ekalesia ona iai ni Epikopo e taitai ma fesoasoani i tagata o le au paia (tagai Mataupu Faavae ma Feagaiga 72:2).
Fai atu le faafetai i lou epikopo po o le Peresitene o le paranesi e ala i lou faia o se mea agalelei. E mafai ona e tusia ni faamatalaga mananaia pe aumai ia te ia se meaai manaia. E mafai foi ona e faia lau fuafuaga ae le faailoa atu ia te ia le tagata na faia!

Ata na tusia e Katy Dockrill