Mai le Au Peresitene Sili

Ia Agalelei

Saunia e Peresitene Dallin H. Oaks

Fesoasoani Muamua i le Au Peresitene Sili

Sii mai i le “Matua ma Fanau,” Ensign po o le Liahona, Nov. 2018, 61–67.

a boy and a girl reading together

Ou te iloa se alii talavou sa avea ma se tagata sulufai. Sa taufaalili e se vaega o isi tagata talavou o ia ona o le ese. Sa latou ulagia o ia mo le tautala i se gagana ese. E le manaia i le Tama Faalelagi pe afai tatou te le agalelei pe agaleaga i isi. E agaleaga le sauaina o se isi tagata, faapotopoto faatasi ma isi e faasagatau atu i se isi, pe teena i latou.

Tamaiti pele, o loo manaomia e lo tatou lalolagi lou agalelei ma lou alofa. Ia agalelei i le tasi ma le isi. Na aoao mai Iesu ia i tatou ia tatou taulimaina isi e pei ona tatou mananao e taulimaina ai i tatou. A o tatou taumafai i le mea sili ina ia agalelei, tatou te faalatalata atili atu ai i a te Ia.

Afai e te le agalelei i se tagata—taitoatasi pe faatasi ma se vaega—fai loa lou mafaufau ia suia. Ia faamalosiau i isi ia sui fo’i.

Ou te molimau atu o Iesu Keriso, o lo tatou Faaola, o le na aoao mai i tatou ia fealofani e pei ona Ia alofa mai ia i tatou. Ou te tatalo o le a tatou faia lenei mea.

Tagata Sulufai: O se tasi e tatau ona tuua lo latou fale ae malaga atu i se isi nofoaga ina ia saogalemu.

“O loo manaomia e le lalolagi lo outou agalelei ma le alofa. Ia agalelei i le tasi ma le isi.”

Peresitene Dallin H. Oaks

E Faapefea ona Faia se Uo Fou

Friend Magazine, Global 2021/06 Jun

E faapefea ona e faaalia lou agalelei i se tagata fou? Ae faapefea pe afai latou te o mai i se atunuu ese? Mo laasaga taitasi, faatumu se manatu a oe lava ia.

1. Ataata ma faatalofa.

   • “Talofa! O ai lou igoa?”

   • “Ou te fiafia o loo e i ai i le matou vasega.”

   • ________________________________

2. Mafaufau po o a ni o latou lagona e ono i ai:

   • Matamuli aua e le’i iai ni a latou uo pe tautatala fo’i i se isi gagana ese.

   • Faanoanoa aua ua latou misia lo latou aiga.

   • Popole aua ______________________.

3. Valaaulia i latou.

   • “Pe e te fia taaalo faatasi ma i matou?”

   • “Ta nonofo faatasi.”

   • ____________________________

4. Ia agalelei ma loto fesoasoani.

   • “E mafai ona ta aai i le aoauli faatasi ma a’u?”

   • “O le mea lenei e sosoo tatou te faia.”

   • _______________________________

5. Aoao mai ia i latou.

   • “O le a le taaloga e te fiafia i ai?”

   • “E faapefea ona e fai atu faapena i lau gagana?”

   • _________________________________

6. Afai e te vaai atu ua agaleagaina i latou:

   • Tautala atu mo i latou.

   • Talanoa ia i latou pe taaalo faatasi ma i latou.

   • ____________________________

Friend Magazine, Global 2021/06 Jun

Ata na tusia e Abby Carter