Imong Sinulat
Usa ka Espesyal nga Paniudto
Baylor B., edad 8, Texas, USA
Tungod sa COVID-19, nagsugod ko sa ikatulong ang-ang [grade 3] pinaagi sa pagkat-on diha sa internet. Human sa usa ka bulan nga pagkat-on diha sa internet, nakabalik ko sa eskwelahan. Nalipay ko nga makauban na usab ang ubang mga bata! Apan lisod ang pagpakighigala. Migahin ko og pipila ka recess nga nag-inusara ra ko.
Usa ka adlaw ang akong magtutudlo mipahibalo nga adunay duha ka bag-ong estudyante sa among klase. Naghinam-hinam kaayo ko! Sa adlaw nga miabot ang duha ka bag-ong batang lalaki, mitabang ko sa pag-andam sa ilang mga suplay. Akong nahinumdoman ang akong unang semana sa eskwelahan ug unsa ka lisod ang pagpakighigala. Gusto ko nga maningkamot sa paghimo sa ilang adlaw nga espesyal. Nasayod ko nga mao kana ang buhaton ni Jesus. Dayon adunay misantop sa akong hunahuna: ako adunay duha ka kupon alang sa paniudto uban sa usa ka higala ug magtutudlo. Mahimo nakong hangyoon ang duha ka lalaki sa pag-uban kanako.
Sa dihang tingpaniudto na, giimbitar nako sila sa paniudto. Sila miingon nga sila ganahan nga moadto! Nangaon kami sa among paniudto ug milakaw sa pasilyo padulong sa among klasehanan. Nindot ang gibati nga mipaapil nila ug mipabati nila nga giabi-abi.