Gikan sa Unang Kapangulohan
Pagkanta alang ni Jesus
Gikuha gikan sa “Worship through Music,” Ensign, Nob. 1994, 9–12.
Ang pagkanta og mga himno ug mga awit sa Primary mao ang usa ka paagi sa pagpakita sa atong gugma alang kang Jesus. Mipakita Siya og ehemplo alang kanato. Pagkahuman sa Katapusang Panihapon, si Jesus ug ang Iyang mga Apostoles nanganta (tan-awa sa Mateo 26:30).
Ang pagkanta makahimo sa:
-
Pagpakita sa atong gugma alang kang Jesus.
-
Pagdala sa Espiritu Santo.
-
Pag-andam kanato nga makakat-on sa ebanghelyo.
-
Paghatag kanato og espirituhanong kalig-on.
Kon mokanta ka, hunahunaa kon unsay gisulti sa mga pulong. Kon ikaw tintalon sa paghimo og dili maayo nga pagpili, paningkamot sa paglaylay [hum] og usa ka awit sa Primary. Samtang nagkanta ka, mobati ka nga mas duol sa Langitnong Amahan ug ni Jesukristo.
Kalinaw diha ni Kristo
Usa ka gabii niana sa dihang si Jesus ug ang Iyang mga disipulo diha sa usa ka sakayan, adunay kusog nga unos. Ang mga disipulo nangahadlok. Sila mipukaw kang Jesus ug nangayo Kaniya og tabang. “Mibangon si Jesus ug iyang gipahunong ang hangin ug ang mga balod iyang giingnan, Hunong! Ug mihunong ang hangin ug mibanos ang kalinaw” (Marcos 4:39).
Kolori ang hulagway. Dayon isulat ang pipila sa imong paborito nga mga awit mahitungod ni Jesus. Kon ikaw mobati nga nag-inusara o nahadlok, kantaha ang usa sa mga awit aron mobati og kahupayan ug kalinaw.
Paghulagway pinaagi ni Jared Beckstrand