Imong Sinulat
Naningkamot sa Pagtabang Sama ni Jesus
Emilie T., edad 11, North Jutland, Denmark
Ang propeta miingon nga ang Ginoo gusto og paningkamot, mao nga ako naningkamot nga mahisama ni Jesus pinaagi sa pagtabang kon ako makakita og usa ka panginahanglan. Sa dihang anaa kami sa panimalay atol sa pag-quarantine, mitabang ko sa akong mama sa paghimo og usa ka gamay nga eskwelahan alang sa akong duha ka kinamanghuran nga mga igsoong lalaki, kinsa dunay autism. Mihimo ko og gagmay nga mga buluhaton ug mitabang kanila.
Ako mosunod ni Jesus pinaagi sa pagtambong sa simbahan ug sa pagbuhat sa mga butang nga akong nakat-onan sa Primary ug sa home evening. Naningkamot ko nga magbinuotan ngadto sa uban, bisan kon lisod kini usahay. Usa ako ka maayong ehemplo sa akong mga higala diha sa eskwelahan pinaagi sa dili pagpamalikas. Naningkamot ko nga makakat-on gikan sa akong mga sayop. Ako nag-ampo alang sa bisan unsa nga inspirasyon ug kalig-on nga akong gikinahanglan. Nasayod ko nga kon ako mag-ampo, makadawat ko og tubag ug ang Espiritu Santo mopanghimatuod niini pinaagi sa pagpabati kanako og kainit sa kahiladman.
Ang pag-ampo usa ka maayong paagi sa pagtabang sa uban. Sa dihang ang akong lolo naospital ug wala kami masayod kon naunsa siya, nag-ampo ko alang kaniya. Dayon ang akong amahan nakadawat og tawag sa telepono nga nag-ingon nga ang akong lolo OK ra. Nalipay kaayo ko, ug ang akong lolo mibati nga ako nag-ampo alang kaniya. Kita dili kanunayng makadawat og mga tubag diha-diha dayon, apan ako nasayod nga ang Dios motabang kanato nga mahimong kalmado samtang kita magpaabot.
Mga paghulagway pinaagi ni Augusto Zambonato