Dali, Sunod Kanako
Makalingaw nga Panahon sa Kasulatan alang sa Gagmay nga mga Bata
Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.
Alang sa Doktrina ug mga Pakigsaad 94–97: Ipataas sa tanan ang ilang mga kamot ibabaw sa ilang mga ulo sama sa usa ka spire sa templo. Dayon ipaubos ang inyong mga bukton aron moliyok sa usag usa sa usa ka pamilya nga pagginaksanay. Hisgoti ang mahitungod sa mga panalangin nga madawat sa mga pamilya diha sa templo. Tabangi ang inyong gagmay nga mga bata nga moingon, “Akong makauban ang akong pamilya sa kahangtoran.”
Alang sa Doktrina ug mga Pakigsaad 98–101: Tabangi ang inyong gagmay nga mga bata nga moingon, “Si Jesukristo makatabang kanako nga mobati og kalinaw.” Hisgoti ang lain-laing mga paagi nga ang mga tawo mobati og kalinaw. Pipila ka ideya mao ang pag-ampo, pagbasa sa mga estorya sa kasulatan, pagpaminaw og maayong musika, o hilom nga pagpahulay.
Alang sa Doktrina ug mga Pakigsaad 102–105: Ang mga pamilya, mga siyudad, ug mga nasod adunay mga lagda aron magpabiling luwas ang mga tawo. Ang Langitnong Amahan naghatag usab kanato og mga lagda, o mga sugo. Hisgoti ang pipila niini ka lagda ug mga sugo ug nganong importante ang pagsunod niini, bisan kon lisod kini usahay. Tabangi ang inyong gagmay nga mga bata nga moingon, “Makasunod ko sa mga sugo.”
Alang sa Doktrina ug mga Pakigsaad 106–108: Tabangi ang inyong gagmay nga mga bata nga moingon, “Makasunod ko sa mga lider sa Simbahan.” Guniti pataas ang litrato sa propeta. Hisgoti kon sa unsang paagi nga ang inyong pamilya makasunod sa direksyon sa propeta.
Alang sa Doktrina ug mga Pakigsaad 109–110: Magtinabangay isip usa ka pamilya sa pagdrowing og usa ka hulagway sa templo. Dayon kantahon ang: “Gusto ko nga Makita ang Templo” (Songbook sa mga Bata, 99). Hisgoti kon ngano nga ang templo importante kaninyo. Tabangi ang inyong gagmay nga mga bata nga moingon, “Ang templo usa ka espesyal nga dapit.”
Mga paghulagway pinaagi ni Alessia Girasole