Tusigamanatu o le Konafesi

Aisea Tatou te O Ai i le Lotu

Na saunoa Peresitene Oaks e taua le alu i le lotu. A tatou o i le lotu, e mafai ona tatou galulue o se au e auauna atu i isi. E mafai ona tatou fesoasoani i tagata ua tuuatoatasi ma faaali atu le alofa ia i latou. E mafai foi ona tatou tagofia le faamanatuga ma tapuai ia Iesu Keriso.

O lea mea ua aoaoina ai a’u:

O Le Igoa o le Ekalesia

Sa talanoa Elder Andersen e uiga i se teineitiiti i Tahiti o le sa faaaogaina le igoa atoa o le Ekalesia. Ina ua fesili atu lona faiaoga pe o ia o se Mamona, sa ia fai mai, “O a’u o se tagata O Le Ekalesia a Iesu Keriso o le Au Paia o Aso e Gata Ai.” Sa manao lona faiaoga e aoao atili e uiga i le Ekalesia. Mulimuli ane, sa papatisoina lona faiaoga!

O lea mea ua aoaoina ai a’u:

O Se Sini o Tusitusiga Paia

Sa faamatala e Sister Cordon se tala e uiga i se teineitiiti na faatuina se sini e faitau tusitusiga paia. Sa ia faitauina fuaiupu e lima i taeao uma. Ona ia valaaulia lea o ona matua ma ona tei e faitau faatasi ma ia. Sa fesoasoani o ia i lona aiga e faalatalata atili atu ia Iesu Keriso.

O lea mea ua aoaoina ai a’u:

Feiloai i Faifeautalai

Sa faasoa mai e Elder Giuffra le ala na ia auai ai i le Ekalesia i Chile. I se tasi aso sa ia vaaia ai ni faifeautalai se toalua o asiasi atu i lona tuaoi. Sa ia fesili atu i lona tuaoi e uiga ia i la’ua, ma sa ia valaaulia o ia e feiloai ma i la’ua. Sa aoaoina o ia ma lona tina e faifeautalai ina ia faatuatua ia Iesu Keriso. Sa la maua se molimau ma filifili e papatiso.

O lea mea ua aoaoina ai a’u:

Ata na tusia e Apryl Stott