Tusia e Oe

O Loo Latou Faatalitali mo A‘u!

Saunia e Giselle Olivia K., 8 tausaga, Karnataka, Initia

Ua le mafai ona ou faatali e papatiso mo o’u tuaa!

Talofa! O lo‘u igoa o Giselle Olivia. Sa ou fanau i Initia. Ou te alofa ia Iesu Keriso. E na o le 2.3 pasene o tagata i Initia o ni Kerisiano. Ioe, e faigata i nisi taimi. Ae ou te iloa e fesoasoani mai o Ia ia te a‘u ma taiala a’u. Ma o lenei ua fausia e le Ekalesia se malumalu i Initia!

Ou te nofo i se aai matagofie ma le faitau miliona o tagata. I totonu o le faitau miliona o tagata uma, e to’aono tagata e sili ona ou alofa i ai: o lo‘u mama; lo’u uso laitiiti, o Halle; o o‘u matua matutua agaalofa; o le lo’u ganeatina; ma lo‘u usoatina. O i latou o tagata sili ona taua i lo‘u olaga.

O le tausaga lenei sa matou faia ai ni gaoioiga o talafaasolopito o aiga, ma sa ou aoao ai e uiga i o‘u tuaa. Fai mai Mama o tamaitai ma alii o lo‘u aiga e uumi lava lauulu, e pei lava o a’u. Ona ia fai mai lea o se tasi o mea taua tele: o loo faatalitali mai o‘u tuaa mo a’u i le lalolagi o agaga! Sa ia fai mai o loo latou faatalitali ina ia papatisoina—e pei lava ona ou faatali seia atoa lo’u valu tausaga e papatiso ai. (Oi, sa papatisoina a’u i lo‘u aso fanau! Seki a, a ea?)

Fai mai Mama o o‘u tuaa o loo i ai i le lalolagi o agaga. E leai ni o latou tino e pei o a’u, o lea e le mafai ai ona papatisoina i latou. Ta’i leaga! O le mafuaaga lena tatou te papatiso ai mo i latou i totonu o le malumalu. Sa ou fai atu ia Mama o le taimi lava e fausia ai le malumalu i Bengaluru, ma o le taimi lava ou te matua ai, ou te fia papatiso mo i latou.

Ua ou fiafia lava o le a o’o mai se malumalu i Initia! O se faamanuiaga sili aua e le mafai e Mama ona ave i matou i malumalu i isi atunuu. Ua mamao tele i latou.

Sa ou faalogo o togalaau o le malumalu e tele ni fugalaau matagofie e i ai. O lea ou te fiafia ai e vaai i togalaau pe a fausia le malumalu. Ae o le mea sili lava, e le mafai ona ou faatali e papatiso mo o’u tuaa. Ou te alofa i lo‘u aiga, ma ou te alofa foi i o’u tuaa.

Ua e alu i le malumalu? Na faapefea mai? Ou te faamoemoe sa maoae!

O foliga ia o le a foliga i ai le Malumalu o Bengaluru Initia pe a mae’a!