Faamanuiaga o Talafaasolopito o Aiga

Antonella N., 10 tausaga, Santiago Metropolitan Region, Chile

Talu mai lava lo‘u laitiiti, sa ou manao ai e galue i le FamilySearch e pei ona faia e o’u matua. Sa fesoasoani o‘u matua ia te a’u e fatu se faitotoa ina ua ou papatiso. Sa ou aoaoina le auala e faavasega vave ai igoa.

Ua fesoasoani le polokalama a Tamaiti ma le Autalavou ia te au e alualu ai i luma i talafaasolopito o aiga. Ua ou aoao atili e uiga i lo‘u aiga. Ua sili atu nei lo‘u alofa i lo’u aiga. Ou te manao e fesoasoani i isi e tuufaatasia o latou aiga mo le faavavau.

E matagofie le galulue mo o tatou tuaa. E ofoofogia le lagonaina o le alofa o lo tatou Tama Faalelagi. Ua Ia tuuina mai ia i tatou le avanoa e avea ai ma ni aiga e faavavau. E maoae le iloa e mafai ona tatou galulue mo o tatou aiga ma isi aiga o loo saili mo e pele ia i latou.