Feiloa‘i i le Perofeta

Saunia e Steven R., 12 tausaga, Puerto Rico

I ni nai tausaga ua mavae, na sau ai Peresitene Nelson i lo‘u atunuu moni i Puerto Rico. O se faamanuiaga tele lenei. Ua leva ona ou fia vaai ia te ia. Ma sa ou manao i le avanoa e feiloai faafesagai ai ma ia. Sa fai mai lo‘u tina o le a faigata aua o le a toatele tagata e i ai i le fonotaga. Sa i ai pea lo‘u faatuatua, ma sa ou tatalo soo ina ia mafai ona ou feiloai ia te ia.

I le taimi o lana lauga, sa ou tusia vave ai se tusi ia te ia. Sa ia te au le faamoemoe ma le faatuatua o le a mafai ona ou tuuina atu ia te ia la‘u tusi. Ina ua uma lauga, sa ou taumafai e savali latalata atu i ai. Sa ia vaai mai i lo‘u uso laitiiti ma sau ia te ia ma se ataata lapoa. Ona ia lulu lea o lo‘u lima! Sa ia fai mai ia te au, “O le a avea oe ma se faifeautalai maoae.” O le a ou manatua pea ana upu.