O Se Savali o le Konafesi mai le Perofeta
O Lo Tatou Faavae Malosi
Sii mai le “O Le Malumalu ma Lou Faavae Faaleagaga,” Liahona, Nov. 2021.
Sa fausia le Malumalu o Sate Leki i le silia ma le 100 tausaga talu ai. Sa fausia e paionia i meafaigaluega o lena taimi. E matagofie lava. Ae afai tatou te vaavaai toto’a i le faavae, e mafai ona tatou iloa ai o nisi o maa ua faaleagaina i le aluga o taimi. E mafai foi ona tatou vaai i avanoa i le va o maa ma nisi o maa ua le maumau.
O loo galulue nei inisinia, tufuga faufale, ma tagata faigaluega faufale ina ia malosi atili le faavae o le malumalu. A mae’a, o le a lava le malosi o le malumalu e tetee atu ai i mafuie ma matagi malolosi. O le a lava le malosi e tumau ai mo le tele, ma le tele o tausaga.
E tatau ona tatou fausia le faavae o o tatou olaga i luga o le papa o lo tatou Togiola, o Iesu Keriso. Ma pe a lulu mafuie faaleagaga, o le a mafai ona tatou tutu malolosi.
O mea uma tatou te aoaoina i le malumalu e fesoasoani tatou te malamalama atili ai e uiga ia Iesu Keriso. A fausia mausali lou faavae faaleagaga ia Iesu Keriso, e le manaomia ona e fefe. O le a faamalosia oe e Lona mana.
O Iesu Keriso o Lo’u Faavae Mautinoa
Agavale: Ata o le Malumalu na tusia e Bailey Rees; Ata o Peresitene Nelson mai faaaloaloga a le Church News; Taumatau: ata na tusia e Bryan Beach