Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Mea Malie o Talafaasolopito o Aiga

Usu le “Talafaasolopito o Aiga—O Lea Ou Te Faia” (Tusipese a Tamaiti, 100).
E finagalo le Tama Faalelagi ma Iesu ia tatou alolofa i o tatou aiga (tagai i le Mataupu Faavae ma Feagaiga 126:3). E aofia ai le aoao e uiga i o tatou talafaasolopito o aiga.
Faitau faatasi le tala o loo i le itulau e 12 . Ona sue lea i le itulau 29 e sue ai se gaoioiga malie o talafaasolopito o aiga. Tusi mai ia i matou ma faasoa mai mea na e faia! Tagai i le faavaa i tua e iloa ai pe faapefea.

Usu le “E Mafai Ona Faavavau Aiga” (Tusipese a Tamaiti, 98).
Na aoao mai Iesu e taua aiga. I totonu o le malumalu, e mafai ona faamauina i tatou i o tatou aiga e faavavau (tagai Mataupu Faavae ma Feagaiga 132:19).
Fai se gafa o le aiga! Tuu atu i tagata taitoatasi o le aiga e fai se laulaau pepa ma tusi ai i luga o latou igoa. I se isi pepa, tusi ai se pogati laau. Ona kelu lea pe faapipii laulaau i le pito i luga o le laau.

Usu le “Pe A Ia Toe Afio Mai” (Tusipese a Tamaiti, 46–47).
E i ai se aso o le a toe afio mai ai Iesu Keriso i le lalolagi (tagai Mataupu Faavae ma Feagaiga 133:19–21, 25). E mafai ona tatou saunia e ala i le aoao e uiga ia te Ia, alofa atu i isi, ma tausi poloaiga.
Sue i le itulau 15 ma fai se gaoioiga e uiga i le Afio Mai Faalua. E mafai foi ona e tusia se ata o lou manatu pe o le a faape’i le Afio Mai Faalua.

Usu le “Viia Le na Fetaia’i ma Ieova” (Viiga, nu.15).
O Iosefa Samita o se Perofeta a le Atua (tagai Mataupu Faavae ma Feagaiga 135:3). Na ia aoaoina i tatou e uiga i le Tama Faalelagi ma Iesu Keriso. Sa fesoasoani o ia e toefuata’i le Ekalesia a Iesu Keriso.
Aisea e te faafetai ai mo Iosefa Samita? Faatasi ai ma le taitaiga a le Tama Faalelagi, na ia aumaia ia i tatou le Tusi a Mamona, malumalu, ma le tele o isi faamanuiaga. Tusi se ata pe tusi nisi o nei faamanuiaga i luga o ni fasipepa. Ona fai ai lea o se filifili pepa!