Fesoasoani e Pei o Iesu

Sa Ava Iesu I Ona Matua

Ina ia ava i ou matua, o lona uiga ia alofa, faaaloalo, ma usiusitai ia i latou. Sa ava Iesu i Ona matua, o Maria ma Iosefa, i le lalolagi. Sa Ia ava foi i Lona Tama Faalelagi e ala i le tausia o poloaiga.

A o soifua a‘e o Ia, sa usitai Iesu i Ona matua faalelalolagi. Sa Ia alofaina ma tausia i laua. E oo lava ina ua maliu o Ia i luga o le satauro, sa Ia talosagaina se tasi o Ona soo e tausi Lona tina.

E mafai ona e faitau i lenei tala atoa i le Luka 2:51–52.

Ou te fesoasoani e faatumauina le mama o lo‘u potu. Ou te fesoasoani foi ia Mama e tapena le laulau mo le meaai o le taeao, aoauli, ma le afiafi. Ou te fesoasoani i fagafao, piki i luga a‘u meataalo, ma vaai lo’u uso laitiiti.

Sebastian V., 7 tausaga, Matagaluega Tutotonu, Parakuei

E Mafai Ona Ou Ava i Oʻu Matua.

• E mafai faapefea ona e fesoasoani i ou matua po o le tagata o loo vaaia oe?

• Fai se tatalo ma fai se fuafuaga e fesoasoani atu.

• Fai lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Ata na tusia e Andrew Bosley