Dali, Sunod Kanako nga mga Kalihokan
Alang sa home evening, pagtuon sa kasulatan, o alang lamang sa kalingawan!
Katkata ang Hagdan
Alang sa Genesis 28–33
Istorya: Si Jacob adunay damgo mahitungod sa usa ka hagdan nga nagpaingon sa langit. Ang mga ang-ang sa hagdan nagrepresentar sa mga lakang nga atong himoon aron mahimong mas mapaduol ngadto sa Dios. (Tan-awa sa Genesis 28:10–16.)
Awit: “Bar[o]gan ang Kamatuoran” (Songbook sa mga Bata, 81)
Kalihokan: Paghimo og pakaaron-ingnon nga hagdan diha sa yuta gamit ang tisas [chalk] o mga tukog. Pagpuli-puli sa pagsulti og usa ka butang nga atong gisaad sa Langitnong Amahan sa dihang nabunyagan kita. Sa matag higayon, abante og usa ka lakang diha sa hagdan. (Tan-awa sa Doktrina ug mga Pakigsaad 20:77 ug Mosiah 18:8–10.)
Pagplano sa Pagpangamdam
Alang sa Genesis 37–41
Istorya: Gitabangan ni Jose ang katawhan sa Ehipto nga mangandam alang sa malisod nga mga panahon. Mabasa ninyo kini nga istorya sa pahina 8 o sa Genesis 41.
Awit: “Malipayon ang Pamilya,” (Songbook sa mga Bata, 104)
Kalihokan: Paghimo og plano alang sa emerhensiya. Paghisgot og mga paagi nga ang inyong pamilya makaandam alang sa mga emerhensiya. Unsay inyong masugdan karon?
Mga Kasingkasing sa Pagpasaylo
Alang sa Genesis 42–50
Istorya: Ang mga igsoong lalaki ni Jose dili gayod mabination ngadto kaniya. Human sa daghang katuigan, nakita niya sila pag-usab. Nakita niya nga nahimo silang mas maayo. Gipasaylo niya sila ug nagmabination ngadto kanila. (Tan-awa sa Genesis 42; 45.)
Awit: “Maghigugmaay” (Songbook sa mga Bata, 74)
Kalihokan: Paggunting og mga kasingkasing nga papel. Sa usa ka habig, isulat ang unsay inyong masulti o mabuhat aron makapangayo og pasaylo kon kamo nakapasakit og usa ka tawo. Sa pikas nga habig, isulat ang unsay inyong masulti o mabuhat aron sa pagpasaylo sa usa ka tawo.
Basket sa Pagserbisyo
Alang sa Exodo 1–6
Istorya: Sa dihang si Moises usa pa ka masuso, gitago siya sa iyang mama diha sa usa ka basket aron ipabilin siya nga luwas. Ang iyang igsoon nga babaye mitabang usab sa pag-atiman kaniya. Midako siya ug nahimong usa ka propeta. (Tan-awa sa Exodo 2:1–10.)
Awit: “Sulti sa Gamay nga Sapa, ‘Hatag’” (Songbook sa mga Bata, 116)
Kalihokan: Makatabang usab kamo sa uban! Adto sa pahina 12 aron makahimo og basket nga papel, sama sa basket nga gibutangan ni Moises. Diha sa mga piraso sa papel, pagsulat og mga paagi nga kamo makaserbisyo sa uban. Dayon ibutang ang mga papel diha sa basket. Kon gusto kamo nga motabang sa usa ka tawo, pagpili og usa ka piraso nga papel ug buhata ang unsay giingon niini.
Mga paghulagway pinaagi ni Katy Dockrill