Bag-ohay lang kong nakadawat sa pagkapari, ug atol sa panalangin ako adunay mainiton nga pagbati. Karon makapaambit na ako sa sakramento matag semana. Kini nakapanindot gayod sa akong pagbati.
Henry R., edad 11, Utah, USA
Yano nga Serbisyo
Sultihi ang usa ka sakop sa pamilya nganong mapasalamaton kamo alang kanila.
Pakig-istorya sa usa ka higala nga dugay na ninyong wala igkita.
Pagbilin og mabination nga sulat sa dapit diin makit-an kini sa usa ka tawo.
Sugyot bahin sa Pagpangandam sa pag-adto sa Templo
Pangutan-a ang usa ka tawo kinsa nakasulod na sa templo kon unsa ang ilang gibati sa dihang anaa sila didto. O tan-awa ang mga hulagway sa mga templo. Isulat kon unsa ang inyong gikahinaman mahitungod sa templo.
Hagit sa Art
Sulayi sa pagdrowing og hulagway gamit ang kamot nga dili ninyo sagad gamiton sa pagsulat! Hangyoa ang usa ka higala sa pagsulay niini uban kaninyo.
Makapadasig nga mga Pulong
“Sa tanang butang nagbuhat ang Dios alang sa kaayohan niadtong nahigugma kaniya” (Mga Taga-Roma 8:28).