Unsay anaa sa Imong Hunahuna?
Usahay ang akong mga igsoon ug ako maglalis ug mag-away. Unsay akong mabuhat aron mas magkasinabot uban kanila?
—Magul-anon sa Singapore
Minahal nga Magul-anon,
Mahimong malisod nga magkasinabot sa mga igsoon. Apan mahimo kang mag-ampo alang sa panabang nga mahimong mapailobon ug mabination. Kon magkasinupakay kamo, sulayi kini nga mga ideya ug basaha ang mga bersikulo sa kasulatan alang sa dugang nga tabang. Kon gipasakitan ka sa usa ka igsoon, pangayo dayon og tabang gikan sa usa ka hamtong.
Makahimo ka niini!
Ang Higala
Pahulay og kadiyot.
Lakaw palayo ug paghimo og pipila ka lawom nga pagginhawa. Pag-ihap og tulo ka butang nga imong makita, duha ka butang nga imong madungog, ug usa ka butang nga imong mabati.
Pagmaalamon sa mga pulong nga imong isulti.
“Hunahunaa” kon unsa ang mahitabo kon isulti nimo kadto nga mga pulong sa dili pa nimo kini isulti og kusog. Unsa man ang imong bation kon ang usa ka tawo mosulti kanimo niana nga mga pulong?
Magtinabangay sa pagsulbad sa problema.
Pagpaambit og mga ideya aron mas magkasinabot. Desisyoni kon unsay mabuhat ninyo nga magkauban.
Pilia ang pagkamabination.
Pangutan-a ang imong kaugalingon, “Unsa may buhaton ni Jesus?” Paghunahuna og mga paagi nga ikaw makapakita og pagkamabination, bisan kon nasagmuyo ka.
Mga paghulagway pinaagi ni Hannah Li