Matinabangong mga Kamot [Helping Hands] sa tibuok Kalibotan
Himamata si Alice gikan sa Fiji
Himamata ang mga bata sa Primary nga nagtabang sa uban, sama sa gibuhat ni Jesus.
Tanan mahitungod ni Alice
Edad: 10
Asa gikan: Natawo sa China ug karon nagpuyo sa Fiji
Mga Pinulongan: Chinese ug English
Mga tumong ug mga pangandoy: 1) Mahimong usa ka pintor. 2) Magkat-on pa og pinaagi sa pagbasa mahitungod kang Jesus.
Pamilya: Papa, Mama, igsoon nga babaye, ug igsoon nga lalaki
Ang Matinabangong mga Kamot ni Alice
Ang mama ni Alice usa ka doktor, ug ang iyang papa tigbansay sa mga tawo bahin sa pasiunang tabang [first aid]. Si Alice ug ang iyang pamilya misugod og pundok sa boluntaryo nga kabatan-onan aron sa pagtabang sa mga tawo sa ilang dapit.
Una, ang iyang mga ginikanan mibansay og sobra sa 100 ka tin-edyer ug sa ilang mga ginikanan bahin sa pasiunang tabang. Mitabang usab si Alice. Sunod ang pundok [team] mitigom og sobra sa 3,000 ka sinina alang sa mga tawo nga nanginahanglan. Mitigom usab sila og daghan kaayong sapatos.
Nakadayeg gayod ang lokal nga polisiya sa ilang buhat. Gihatagan nila ang pundok og lamesa didto sa merkado aron sa pagtabang nila sa paghimo og dugang nga maayong buhat.
“Nagtuo kami sa Dios,” miingon si Alice. “Mao nga serbisyohan namo ang tanan!”
Mga Paborito ni Alice
Dapit: Ang baybayon
Istorya mahitungod ni Jesus: Sa dihang ang babaye nga anaa diha sa daghang tawo mihikap sa Iyang kupo ug naayo
Awit sa Primary: “Gusto Ko Karon nga Mamisyonaryo” (Songbook sa mga Bata, 90)
Pagkaon: Noodles
Kolor: Tapol [Purple]
Subject sa eskwelahan: Math
Mga paghulagway pinaagi ni Anthony Lewis