Pagtabang Sama ni Jesus

Si Jesus Miatiman sa Masakiton

Bisan asa miadto si Jesus, giatiman niya ang mga tawo nga masakiton o nasakitan. Human Siya nabanhaw, mibisita si Jesus sa mga Nephite. Siya mihangyo kanila sa pagdala ngadto Kaniya ni bisan kinsa nga masakiton o nasakitan. Siya mihupay kanila. Siya miayo kanila. Mapasalamaton ang mga tawo nga si Jesus mitabang kanila.

Mabasa ninyo kini nga istorya diha sa 3 Nephi 17:5–10.

Ganahan ko nga moserbisyo! Sa dihang nasakit ang uyoan sa akong amahan, mitabang ako sa pag-atiman sa iyang iring. Mitabang usab ako sa akong papa sa pag-ani og mga pecan ug sa pagdala niini ngadto sa merkado.

Collin M., edad 7, Georgia, USA

Mahimo Akong Moatiman sa Masakiton

• Pagbatyag kon adunay tawo nga imong nailhan nga nasakit o nasakitan.

• Pag-ampo ug paghimo og plano sa pagtabang.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Sa unsang paagi ikaw naningkamot sa pagtabang sa uban, sama sa gibuhat ni Jesus? Pagsulat ug sultihi kami.

Paghulagway pinaagi ni Jim Madsen