Mga Tip sa Teknolohiya

Ni Noelle Barrus

• Mo-focus sa maayo. Kita makagamit sa teknolohiya sa daghang maayo nga mga paagi—sama sa pagkat-on og usa ka bag-ong kahanas o mobisita sa mga higala. Paghimo og tumong ug mogamit sa teknolohiya sa pagtabang.

• Pagbaton og katuyoan. Mananghid sa ginikanan sa dili pa ka moabli sa tablet, computer, o sa telepono, ug siguroha nga aduna kay rason. Kon wala, paghunahuna og laing butang nga buhaton.

• Pag-set og orasan. Sa dili pa kamo mogamit sa bisan unsang media, mohukom una daan kon unsa ka dugay kamo nga mogamit niini.

• Gamita ang teknolohiya uban sa pag-amping. Ang Langitnong Amahan gusto nga atong pun-on ang atong mga hunahuna sa maayong mga butang. Pangutan-a ang inyong kaugalingon, “Makatabang ba kini nako nga mobuhat ug mobati og maayo?” Kon dili, palonga kini.

• Unahon ang mga tawo. Kon kamo anaa uban sa ubang mga tawo, hatagi sila sa inyong hingpit nga pagtagad. Ayaw paggamit sa inyong telepono o ubang teknolohiya kon may usa ka tawo nga nakig-istorya kaninyo.

Unsa pa ang ubang butang nga inyong mahimo aron kamo makabaton og kalingawan?

• Pangita og usa ka tawo nga inyong makaduwa.

• Pagbasa og usa ka libro o magdrowing og usa ka hulagway.

• Pagpatukar og usa ka instrumento o pagkat-on og bag-ong kahanas.

• Pagsuhid og usa ka dapit duol sa imong panimalay, sama sa usa ka tanaman, musoleo, o suroyanan [park].

Paghulagway pinaagi ni Mitch Miller