Gaoioiga o le Sau, Mulimuli Mai ia te A’u
Mo afiafi faaleaiga, suesueina o tusitusiga paia, pe tau lava o le fiafia!
Lane Oso
Mo le Esoto 7–13
Tala: O Mose o se perofeta. Sa ia ta‘u atu ia Farao e tuu le nuu o le Atua e o saoloto (tagai Esoto 8:1). Sa fai atu Farao o le a ia faatagaina i latou e o. Ona ia solia lea o lana folafolaga. Na auina atu e le Atua lane, ’utu, lago, ma isi mala e lapatai ai Farao e mulimuli i le perofeta.
Pese: “Mulimuli i le Perofeta,” fuaiupu 5 (Tusipese a Tamaiti, 58-59)
Gaoioiga: Ia fai se taaloga! Tuu atu i latou uma e fai se laina. Ona punonou lea i lalo. E tuu e se tasi tagata o latou lima i luga o le tua o se isi tagata ma puna i luga o tagata taitoatasi, e pei o se lane. Feauauai seia o uma i latou. O taimi uma lava e te oso ai, fai atu se auala se tasi e mafai ona e mulimuli ai i le perofeta.
Vaeluaina o le Sami
Mo le Esoto 14–17
Tala: Ua taitai ese e Mose le nuu o le Atua mai Aikupito. Peitai sa mulimuli atu Farao ia te i latou. Na tuuina atu e le Atua ia Mose le mana e vaelua ai le Sami Ulaula. Sa sopoia e lona nuu le eleele matutu ma sosola ese mai tagata Aikupito.
Pese: “Faaola o Isaraelu” (Viiga, no. 5)
Gaoioiga: Faatino le tala ia Mose na vaeluaina le Sami Ulaula. E mafai ona e faaaogaina le tala o loo i le itulau 12.
Eseta Faapitoa-Atu
Mo le Eseta
Tala: Fai mai le perofeta o Isaia na puapuagatia Iesu mo a tatou solitulafono ma e malamalama i o tatou faanoanoaga (tagai Isaia 53:4–5). Na maliu Iesu Keriso mo i tatou, ma toe soifua mai. Ona o Ia, o le a tatou toe ola uma foi.
Pese: “Pe na Toe Soifua Moni Mai ea Iesu?” (Tusipese a Tamaiti 45)
Gaoioiga: Ia faia se Eseta faapitoa-atu i lenei tausaga e ala i le faia o le gaoioiga i le itulau 3. O aso taitasi i le vaiaso a o lumanai le Eseta, faitau e uiga ia Iesu ma valivali le vaega o le ata. E mafai foi ona e oti ese ia ata i itulau 24–25.
Tau’aveina o Avega a le Tasi ma le Isi
Mo le Esoto 18–20
Tala: Sa faigata ia Mose ona taitaia na o ia ona tagata. Sa ta’u atu e le tama o lana ava, o Ietero, ia Mose e tuu atu i isi tagata e fesoasoani e “faamama le avega” (Esoto 18:21–22).
Pese: “O Loo Ou Taumafai e Avea e Pei o Iesu” (Tusipese a Tamaiti, 40–41)
Gaoioiga: Tuu atu i se tagata e toatasi e tu i luga ma uu i fafo o latou lima. Tuu se tusi i o latou lima taitasi. Faaopoopo nisi tusi seia oo ina mamafa tele e uu i luga. Ona tuu atu lea i ni tagata se toalua e uu i luga lima o le tagata. Pe faigofie atu ea ona tauaveina se avega pe a i ai sau fesoasoani? E mafai faapefea ona e fesoasoani atu i isi? E mafai faapefea ona e fesili atu mo se fesoasoani?
Papa maa mai se Mauga
Mo le Esoto 24; 31–34
Tala: Na tuuina atu e le Atua poloaiga ia Mose i luga o papa maa. Sa folafola atu tagata Isaraelu e usitai i ai (tagai Esoto 24:7).
Pese: “Tausi Poloaiga” (Tusipese a Tamaiti, 68–69).
Gaoioiga: E mafai foi ona e folafola atu e usitai. Fai ni papa maa faafoliga mai pepa. Ona tusi lea o ata pe tusi i luga ni auala e te tausia ai poloaiga.
Ata na tusia e Katy Dockrill