O Le Au Fou a Samuelu
Mata e tuu atu e isi tama ia te ia se avanoa?
O le taeao po o le Aso Toonai. Sa nofo Samuelu i le laulau o le umukuka ma sioa atu i lana ipu[ok] cereal. Na te le’i lagonaina moni le fia ai.
“Tama?” sa ia fai atu lemu ai. “Ua suia lo’u mafaufau. Ou te le fia feiloai i la’u au pasiketipolo i le aso.”
“Ou te iloa e faigata ona avea oe ma se tamaitiiti fou, ae o le a maua ni au uo,” o le tala lea a Tama.
“Leai, e le o lena … Ou te popole i mea o le a latou mafaufau i ai.”
Sa nofo Tama i ona autafa. “O lona uiga e te mafaufau po o le a se manatu o lau au i se tagata taalo fou e na o le tasi lona lima?”
Sa fanau Samuelu e aunoa ma se lima agavale. Sa gata lona lima agavale i le tapulima.
“Ioe,” o le tala lea a Samuelu. “Talu ai latou te le iloa a’u, atonu latou te manatu e le mafai e se tamaitiiti e tasi le lima ona taalo pasiketipolo.”
“Atonu latou te mafaufau i lena mea, ae o oe o se tagata taalo lelei tele. Ma o le alu i faataitaiga o le a fesoasoani e te taalo lelei atili ai,“ o le tala lea a Tama ma se ataata. “Sau loa. Aumai lou ofu taalo ma lau faguvai. Ta o e feiloai i lau ‘au.”
Sa mapuea Samuelu. “Ua lelei.”
O le taimi lava na la ulufale atu ai i le faletaalo, sa savali atu ai le faiaoga.
“Malo lava! O a’u o Faiaoga Monroe. Atonu o oe le matou tagata taalo fou.”
“Ioe, o a’u o Samuelu.”
“Matou te fiafia lava i le i ai o oe i le matou au,” o le tala lea a Coach Monroe. “Ta o e feiloai i isi tama.”
Sa nofo Tama i luga o se nofoa. Sa uu mai e Samuelu lana polo ma mulimuli atu i le faiaoga.
“Ou te fia faailoa atu Samuelu, le tatou tagata taalo [ok]fou,” o le tala lea a Faiaoga Monroe. Sa tuuina atu e ni nai tama ia Samuelu se talotalo laititi. “Ua tatou laki i le i ai o ia i le taimi o le tatou taaloga muamua. Ou te manatu o le a tatou maua se au maoae, se taaloga lelei, ma se vaitau maoae!”
Sa ili e [ok] Monroe lana faaili, ma sa amata e le au ni nai faataitaiga. Sa vaai atu Samuelu i nisi o lana au o sioa a o ia po ma togi le polo i lona lima taumatau. Sa ia taumafai e aua nei avea lena mea e faalavelave ia te ia.
I le taimi o se malologa mo le vai, sa nofo ai se tamaitiiti i autafa o Samuelu i luga o le nofoa. “Talofa, O a’u o Jackson. O le a le mea na tupu i lou lima?”
“E leai ma se mea. O le ala lava na ou fanau mai ai,“ o le tala lea a Samuelu.
“Ou te le’i vaai muamua lava i se tagata e taalo pasiketipolo ma se lima e tasi,” o le tala lea a Jackson. “O le matuai e lelei lava.”
Sa ataata Samuelu. “Faafetai.”
Sa toe ili mai e [ok] Monroe lana faaili. “Mo le 30 minute mulimuli, o le a tatou taaalo ai i se taaloga faataitai.” Sa ia tuuina tama i ni ‘au se lua. Sa fiafia Samuelu sa i ai Jackson i lana au.
Faatasi ai ma se minute na totoe i le taaloga, sa tutusa lava le aofai o ’ai o ’au e lua. Sa maua e se tasi o le au a Samuelu le polo ma tilotilo solo mo se tasi e pasi atu i ai. Sa lata ane Samuelu, ua sauni e sapo le polo. Ae nai lo lena, na pasi atu e le tamaitiiti ia Jackson.
Na faia e Jackson ni nai laa. Ona ia iloa atu lea o Samuelu ma pasi atu le polo ia te ia. Sa pue e Samuelu le polo, faliu, ma togi agai i le ato.
Swish! Sa ulu le polo i totonu i le taimi lava na ili mai ai e Faiaoga Monroe le faaili. Sa alalaga fiafia le au a Samuelu.
“Manaia le pasi,” na fai atu ai Samuelu ia Jackson a o la savavali atu i nofoa faalava.
“Manaia le fana,” o le tala lea a Jackson. “O le a iloa e isi aualii o le lima tasi ua lava lea e taaalo pasiketipolo ai.”
Sa ataata Samuelu ma avatu ia Jackson se pati lima. Sa ia maua se lagona sa sa‘o ia Faiaoga Monroe. O le a avea ma se ‘au maoae, se taaloga maoae, ma se vaitau maoae.
Ata na tusia e Sandra Eide