Lima Fesoasoani i le Lalolagi atoa

Feiloai ia Tristan mai Kanata

Feiloai i tamaiti o le Peraimeri o loo fesoasoani atu i isi, e pei ona sa faia e Iesu.

Mea uma e uiga ia Tristan

Tausaga: 6

Mai: Québec, Kanata

Gagana: Igilisi ma le faaFarani

Sini ma miti: 1) Mulimuli ia Iesu. 2) Fesoasoani i isi.3) Avea ma se tagata fuimu.

Aiga: Tristan, Tama, Tina, tuafafine matutua e toalua

O Lima Fesoasoani o Tristan

E le manaomia ona e faia ni mea tetele e fesoasoani ai i isi. E fiafia Tristan e fesoasoani i le tele o auala laiti. Na te tuuina atu i lona tina ma lona tama ni opo ma ni sogi pe a la lagona le vaivai. Na te faamamaina lona potu ma ao mai aitema mo le toe faaaoga. E tatalo o ia, ma e taumafai o ia e fesoasoani i tagata uma ia lagona le fiafia.

E faaaoga foi e Tristan lona leo e auauna atu ai i isi. I le papatisoga o lana uo o Nicholas, sa ia usuina ai le “Ina ua Papatisoina Iesu Keriso” (Tusipese a Tamaiti, 54). Sa tele ni faataitaiga na manaomia e saunia ai. Ae sa faia e Tristan ma se ataata. Sa fiafia o ia ona o lana pese e mafai ona fesoasoani i tagata e aoao ai e uiga ia Iesu ma lagona ai le Agaga Paia.

O Mea e Fiafia i ai Tristan

Nofoaga: Paka faafiafia

Tala e uiga ia Iesu: Ina ua papatisoina o Ia

Pese Peraimeri: “Ou Te Fia Vaai i le Malumalu” (Tusipese a Tamaiti, 99)

Meaai: Bacon, sanuisi sisi e tunu, strawberries, mago

o Lanu: Lanumeamata ma le samasama

Mataupu i le Aoga: Matematika

E mulimuli Tristan ia Iesu e ala i le pese, tatalo, ma le fesoasoani. Susue le itulau e faitau ai i se tala i auala na fesoasoani ai Iesu i isi.

Faatasi atu i le Vaega o Lima Fesoasoani!

Pe a e auauna atu i isi, o oe o se vaega o le Vaega o Lima Fesoasoani! O ai e mafai ona e auauna atu i ai?

Ata na tusia e Flavio Remontti