Meamalie
O Mose o loo Vaeluaina le Sami Ulaula
Faaaoga lenei tusiga e faatino ai le tala. E mafai ona e faitau atili e uiga i ai i le Esoto 14.
Matafaioi ma Meafaitino
-
Tagata Faitau
-
Mose (ma se laau po o se tootoo e uu)
-
Farao
-
Isaraelu
-
E toalua tagata e uu i luga se palanikeke e faatusa i le Sami Ulaula
Tagata faitau: Sa nofo pologa Isaraelu i Aikupito. Na ta‘u atu e le Alii ia Mose e taitai ese i latou mai Aikupito. Sa latou o i le Sami Ulaula.
[O Mose ma Isaraelu o loo tutu i tafatafa o le palanikeke.]
Tagata faitau: Ina ua o ese Isaraelu, sa ita Farao.
Farao: E tatau ona tatou sue i latou ma toe aumai i latou!
[Ua faafoliga Farao o tietie i se kariota e sue Mose ma tagata Isaraelu.]
Tagata faitau: Sa vaai Isaraelu ua sau Farao. Sa latou fefefe.
Isaraelu: Sa tatau ona tatou nonofo i Aikupito. O lenei atonu tatou te oti!
Mose: Aua le fefefe! O le a tau le Alii mo outou.
Tagata faitau: Na ta‘u atu e le Alii ia Mose e vaelua le sami.
[Ua siitia e Mose lana tootoo. Ua sii i luga e tagata o loo uuina le palanikeke.]
Tagata faitau: O lenei ua mafai ona savavali Isaraelu i luga o le eleele matutu!
[Ua savavali Mose ma Isaraelu i lalo o le palanikeke.]
Tagata faitau: Sa mulimuli atu Farao ma ona tagata ia i latou. Na ta‘u atu e le Alii ia Mose e faatonu le sami e ufiufi i latou.
[Ua savali Farao i lalo o le palanikeke. Ua toe siitia e Mose lona tootoo. O latou o loo uuina le palanikeke ua tuuina i lalo le palanikeke e ufiufi ai Farao.]
Tagata faitau: Sa puipuia e le Alii ia Isaraelu! Na Ia faaauau ona puipui i latou i le latou malaga.
Ata na tusia e David Habben