Mubo nga mga Sulat sa Komperensiya

Usa ka Gamay nga Bata

Si Presidente Eyring namulong bahin ni Hari Benjamin, kinsa nagbarog sa tore aron sa pagtudlo sa iyang katawhan. Si Hari Benjamin mitudlo nga kita kinahanglan nga mahimong sama sa usa ka gamay nga bata. Kana nagpasabot nga kinahanglan kita nga mosalig sa Langitnong Amahan ug magmasulondon ug mahigugmaon. Kon kita mahimong sama sa usa ka bata, mahimo kitang mas mahisama kang Jesukristo.

Nagtudlo kini kanako:

Sama sa usa ka Compass

Si Elder Bednar naghisgot bahin sa mga pakigsaad, o mga saad nga atong gihimo uban sa Dios. Siya miingon nga ang mga pakigsaad sama sa usa ka compass nga motabang kanato nga mahibalo sa atong padulngan. Sama nga ang usa ka compass motudlo sa amihanan, ang atong mga pakigsaad motudlo kanato padulong kang Jesukristo. Ang paghimo ug pagtuman sa mga pakigsaad makatabang kanato nga mapaduol ngadto Kaniya.

Nagtudlo kini kanako:

Soccer o Simbahan?

Si Elder Gavarret miingon nga sa dihang 12 anyos siya, wala siya mosimba og usa ka semana aron makaduwa siya og soccer uban sa iyang mga higala. Sa kaulahian, usa ka lider sa Simbahan mihangyo kaniya sa pagtabang og tudlo sa usa ka leksiyon bahin sa pagbalaan sa adlaw nga Igpapahulay. Si Elder Gavarret nakakat-on nga ang Dominggo usa ka importante nga adlaw aron sa pagpunting ngadto sa Langitnong Amahan.

Nagtudlo kini kanako:

Usa ka Dakong Kalainan

Si Sister Aburto misugilon og usa ka istorya bahin sa usa ka batang lalaki kinsa mibayad sa ikapulo. Matag higayon nga siya mobayad og usa ka dolyar, iyang gihunahuna nga makatukod kini og tibuok bilding sa Simbahan! Pipila ka tuig ang milabay, siya nakaamgo nga nagkinahanglan og sobra pa sa usa ka dolyar ang pagpatukod og usa. Apan si Sister Aburto mitudlo nga bisan ang atong ginagmay nga mga paningkamot makahimo og dakong kalainan.

Nagtudlo kini kanako: