Matinabangong mga Kamot sa tibuok Kalibotan
Himamata si Isabella gikan sa Brazil
Himamata ang mga bata sa Primary nga nagtabang sa uban, sama sa gibuhat ni Jesus.
Tanan mahitungod ni Isabella
Edad: 10
Gikan sa: São Paulo, Brazil
Mga Pinulongan: Portuguese ug Libras (Brazilian Sinyas nga Pinulongan)
Mga Tumong ug mga damgo: 1) Mahimong magkauban isip usa ka pamilya didto sa langit. 2) Motabang sa uban nga magkasinabot sa usag usa. 3) Magpadayon sa paglambo sa gymnastics, basketball, paglangoy, ballet, ug soccer.
Pamilya: Isabella, Papa, Mama, ug duha ka igsoon nga patay na
Ang Matinabangong mga Kamot ni Isabella
Si Isabella nag-eskwela sa eskwelahan alang sa mga Bungol. Ang iyang mga higala motawag kaniya og Bella, nga nagpasabot og “matahom.” Ang iyang mga higala motawag usab niya og usa ka tighimo og kalinaw. Kon ang mga klasmeyt masuko o sapoton, si Bella motabang kanila nga mokalma.
Usa ka higayon ang inahan ni Bella nag-andam og panihapon alang sa mga misyonaryo. Ang tanan nalingaw sa pagkaon. Apan si Lolo dili makakaon. Nagmasakiton siya, ug luya siya kaayo nga dili siya makakaon nga siya ra. “Ako ang mopakaon nimo, Lolo,” miingon si Bella. Gibalik-balikan niya sa paghungit siya gamit ang kutsara. Dayon si Lolo nalipay sa panihapon.
Ang mga Paborito ni Isabella
Lugar: Sa balay sa iyang ig-agaw, diin makasaka siya og mga punoan sa kahoy ug mamupo og mga kahil [tangerine]
Istorya mahitungod ni Jesus: Sa dihang Siya gibunyagan
Awit sa Primary: “I Know That My Savior Loves Me” (ChurchofJesusChrist.org)
Pagkaon: Cheese pastries, farofa (harina sa balanghoy) nga may sausage, ug macaroni nga may puti nga sarsa
Kolor: Rosa [Pink]
Subject sa Eskwelahan: PE
Mga paghulagway ni Melissa Manwill