Tokoni Hangē ko Sīsuú
Naʻe Fafanga ʻe Sīsū ʻa e Fiekaiá
Naʻe akoʻi ʻe Sīsū Kalaisi ʻi ha ʻaho ʻe taha ha fuʻu kakai ʻe toko 5,000 tupu. ʻI he aʻu ki he efiafí, naʻe loto ʻa e kau ākongá ke tukuange e kakaí ke nau foki ki ʻapi ʻo kai. Naʻe ʻikai ke loto ʻa Sīsū ke tukuange kinautolu. Naʻá Ne loto ke fafanga kinautolu. Ka ko e foʻi mā pē ʻe nima mo ha mataʻi ika ʻe ua ne nau maʻú.
Naʻe tāpuakiʻi ʻe Sīsū ʻa e meʻakaí. Naʻe tufa leva ia ʻe he kau ākongá. Naʻe maʻu ʻe he taha kotoa ha meʻa feʻunga ke kai. Ko ha mana ia!
Naʻe fokotuʻutuʻu ʻe ha kulupu tamaiki tangata ʻi ʻIuta, USA, ha tānaki sitōkeni ke tokoni ki he ngaahi kautaha tokoni ʻofa fakalotofonua ko ia ʻoku nau tokoniʻi e kakai ʻoku ʻikai haʻanau ʻapí. Naʻa nau tufaki ha ngaahi fanongonongo. Hili ha ngaahi ʻaho siʻi mei ai, naʻa nau tānaki ha ngaahi sitōkeni mo e paʻanga ke fakatau ʻaki ha sitōkeni lahi ange. Naʻa nau lava ʻo foaki ha hoaʻi sitōkeni ʻe 750!
Tā fakatātā ʻa Harry Anderson