Ngaahi ʻEkitivitī ʻi he Haʻu, ʻo Muimui ʻIate Aú

Ako e folofolá pe fakahoko ha meʻa fakafiefia ʻi he efiafi ʻi ʻapí!

Ko Tēpola mo e Fuʻu Pāmé

woman sitting under a palm tree

Ki he Fakamaau 2–4; 6–8; 13–16

Talanoá: Ko ha taki angatonu ʻa Tēpola. Naʻá ne tangutu ʻi lalo ʻi ha fuʻu paame ʻo fanongo ki hono kakaí (vakai, Fakamaau 4:4–5). Naʻá ne tokoniʻi kinautolu ke nau fakatomala pea muimui ki he ʻOtuá.

Hiva: “Fili e Hala Totonú” (Tohi Hiva ʻa e Fānaú, 82)

ʻEkitivitī: ʻOku pehē ʻe he Saame 92:12 “ʻE lau maʻuiʻui ʻa e angatonú ʻo hangē ko e ʻakau ko e [pāmé].” Ngaohi ʻa e fuʻu paame he peesi 36. Talanoa ki ha ngaahi founga te ke lava ai ʻo muimui ki he ʻOtuá.

Ko e Ngaahi Kēleni ʻo e Ngāue Tokoní

a stalk of wheat grains

Ki he Lute; 1 Samuela 1–3

Talanoá: Lau fekauʻaki mo Lute ʻi he talanoa fakafolofola he peesi 8. Naʻá ne ngāue mālohi mo tānaki e kēlení ke tauhi ʻaki e faʻē ʻa hono husepānití. Naʻe tāpuekina ia ʻe he ʻOtuá ʻi heʻene tokoniʻi e niʻihi kehé.

Hiva: “ʻI heʻetau Tokoní,” (Tohi Hiva ʻa e Fānaú, 108b)

ʻEkitivitī: Kosi ʻo toʻo ha ʻū laʻipepa ʻi he fōtunga ʻo e tengaʻi kēlení. Fakaʻaongaʻi ha vaʻakau pe laʻipepa lōloa ko ha vaʻa. Fakapipiki pe tepiʻi e tengaʻi uité ki he vaʻá ke ngaohi ʻaki ha vaʻa kēleni. Ko e taimi pē ʻokú ke tokoni ai ki ha taha, toʻo ha tengaʻi uite. Hokohoko atu pē kae ʻoua kuo ʻosi kotoa e tengaʻi uité!

Tolo ʻa Kolaiaté

two kids drawing a chalk square

Ki he 1 Samuela 8–10; 13; 15–18

Talanoá: ʻI he kei siʻi ʻa Tēvitá, naʻá ne fehangahangai mo ha fuʻu sōtia kaukaua ko Kolaiate ke maluʻi hono kakaí. Naʻe ʻiloʻi ʻe Tēvita ʻe tokoniʻi ia ʻe he ʻEikí ke ne ikunaʻi ʻa Kolaiate. Te ke lava foki ʻo lau e talanoá ʻi he 1 Samuela 17.

Hiva: “Te u Loto-toʻa” (Tohi Hiva ʻa e Fānaú, 85)

ʻEkitivitī: Tā ha foʻi tapafā tatau ʻi he falikí ʻaki ha sioka pe tepi. Tohi ʻa e hingoa “Kolaiate” ʻi loto. Tuʻu ke kiʻi mamaʻo siʻi ki mui ʻo lī ha fanga kiʻi maka ki he loto tapafaá. Ko e taimi kotoa pē ʻoku tō ai haʻo foʻi maka ʻi he tapafaá, fakamatala ha founga ʻoku tokonia ai koe ʻe he Tamai Hevaní ke ke ikunaʻi e ngaahi pole lalahí.

Ko e Talanoa ʻo e Lamí

This the image of two children acting out the story. 1. Deborah under a palm tree. 2. Activity: Pieces of paper cut out in the shapes pf grain kernels, a stick, glue. 3. Two children throwing pebbles into a rectangle. 4. Two children acting out the story in Samuel 12: 1-4.

Ki he 2 Samuela 5–7; 11–12; 1 Ngaahi Tuʻi 3; 8; 11

Talanoá: Naʻe fakahoko ʻe he palōfita ko Nētané ha talanoa fekauʻaki mo ha ongo tangata. Ko e tangata ʻuluakí naʻe tokolahi ʻene fanga lamí. Ko e tangata hono uá naʻe taha pē ʻene lamí. Naʻe kaihaʻasi ʻe he tangata ne tokolahi ʻene fanga lamí ʻa e lami ʻa e tangata ʻe tahá. Naʻe loto-mamahi ʻaupito ai ʻa e tangata naʻe taha pē ʻene lamí. Naʻe toe loto-mamahi foki ai mo e Tamai Hēvaní. (Vakai, 2 Samuela 12:1–4.)

Hivá: “ʻOku ou Feinga ke Hangē ko Sīsuú” (Tohi Hiva ʻa e Fānaú, 40–41)

ʻEkitivitī: Fakatātaaʻi ʻa e talanoa ʻo e ongo tangatá mo e fanga lamí. Te ke lava ʻo fakaʻaongaʻi ha ngaahi meʻa vaʻinga pe ngaahi meʻa kehe ki he fanga lamí. Toe fakatātaaʻi leva ia, ka ʻi he taimi ko ʻení liliu ʻa e ikuʻangá! Ko e hā ʻe lava ʻe he tangata ʻuluakí ʻo fakahoko ke angaʻofa kae ʻikai siokitá?

Maʻá e Longaʻi Fānau Iiki Angé:

• Lau ʻa e talanoa mei he folofolá ʻi he peesi 8. Hili iá pea valivali e fakatātā ʻi he peesi 48.

• Lau ha talanoa fekauʻaki mo e muimui ki he palōfitá ʻi he peesi 44. Pea fakahoko leva ʻa e ʻekitivitī ʻi he peesi 45.

• Kumi ʻa e ngaahi meʻa ʻoku fufuuʻi ʻi he peesi 43. Fai leva ha meʻa ke tokoniʻi ha taha kehe!