Ngaahi Nima Fie Tokoni ‘i he funga ʻo e Māmaní
Feʻiloaki mo Sepitulimi mei Kemipoutiá
Fe‘iloaki mo ha fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Ngaahi me‘a kotoa fekauʻaki mo Sepitulimí
Taʻu motuʻá: 12
Mei: Nomu Peni, Kemipoutiá
Ngaahi Lea Fakafonuá: Faka-Kamei, Faka-Pilitānia
Ngaahi taumuʻá mo e fakaʻānauá: 1) Tokoniʻi ʻa Kemipoutia ke hoko ko ha fonua lelei ange ʻi heʻeku tupu haké. 2) Ngāue fakafaifekau. 3) ʻAlu ki he temipalé.
Fāmilí: Sepitulimi, Mami, Teti, tuofāfine ʻe ua mo e tokoua e taha
Ongo Nima Fie Tokoni ʻo Sepitulimí
ʻOku ako ʻa Sepitulimi ʻi ha fuʻu kolo lahi. ʻOkú ne fakatokangaʻi he taimi ʻe niʻihi ʻi he akó ha ngaahi kaungāmeʻa ʻoku ʻikai feʻunga ʻenau meʻakaí. Ko ia ʻokú ne vahevahe ʻene meʻakaí mo e kai hoʻataá mo kinautolu. ʻOku pehē ʻe Sepitulimi ʻoku hanga ʻe heʻene tokoniʻi e niʻihi kehé ʻo ʻai ia ke ne ongoʻi fiefia. ʻOkú ne pehē, “ʻOkú ne ʻai ke u fie fakahoko ha meʻa lahi ange. ʻOku ou fiefia ʻi he taimi ʻoku ou muimui ai kia Sīsuú.”
ʻOku pehē ʻe Sepitulimi ʻoku tāpuekina kitautolu ʻi he taimi ʻoku tau tokoni ai ki he niʻihi kehé. “ʻI he taimi ʻoku tau fai ai ha meʻa leleí, ʻe tāpuakiʻi kitautolu ʻe he ʻOtuá. ʻOku pehē ʻe Sīsū ʻoku hangē hono fai ʻo e ngaahi meʻa leleí maʻá e niʻihi kehé ko hono fai ha ngaahi meʻa lelei Maʻaná.”
Ngaahi Meʻa ʻOku Saiʻia Taha ai ʻa Sepitulimí
Talanoa fekauʻaki mo Sīsuú: ʻI Heʻene tokoniʻi ʻa Pita ke lue ʻi he fukahi vaí
Feitu‘ú: ʻApi
Hiva Palaimelí: “Fānau au ʻa e ʻOtuá” (Tohi Hiva ʻa e Fānaú, 2–3)
Meʻakaí: ʻĀmoki (ika ʻoku haka ʻi he lauʻi siaine)
Lanú: Pulū
Ngaahi lēsoni ‘i he akó: Lea faka-Pilitāniá mo e hisitōliá
Ngaahi tā fakatātā ʻa Lisa Hunt