Ko e Hā ʻOkú Ke Fakakaukau Ki Aí?

ʻOku ʻi ai haʻaku ngaahi fehuʻi fekauʻaki mo e Siasí ʻoku ou hohaʻa moʻoni ki ai. Ko e hā ʻoku totonu ke u faí?

—Puputuʻu ʻi Tulinitati

Siʻi Puputuʻu,

ʻOku ʻikai ke kovi ke ʻi ai ha ngaahi fehuʻi. Ko e konga ia ʻo ʻetau akó, tupulakí, mo maʻu ai ha fakamoʻoní. Ka ʻoku mahuʻinga ke kumi e ngaahi talí ʻi he ngaahi feituʻu ʻokú ke lava ʻo falala ki aí. Ko ha ngaahi meʻa ʻeni te ke lava ʻo fai ke maʻu ai ha ngaahi tali lelei ki hoʻo ngaahi fehuʻí. ʻE tokoniʻi koe ʻe he Tamai Hēvaní ʻi hoʻo ngaahi fehuʻí. ʻOkú Ne ʻofeina koe! Pea ʻoku pehē pē mo kimautolu.

Ko e Kaumeʻá

Lotu.

Fakahā ki he Tamai Hēvaní hoʻo ngaahi fehuʻí pea kolea ʻEne tokoní.

Fehuʻi ki ha mātuʻa pe taki.

Talanoa ki ha taha ʻoku ʻi ai haʻane fakamoʻoni. Te nau lava ʻo tokoni atu ke ke ʻilo ha ngaahi feituʻu lelei ke kumi ai e ngaahi talí, hangē ko e folofolá pe ChurchofJesusChrist.org.

Fanongo ki he Laumālie Māʻoniʻoní.

Tokanga ki he ongo ʻokú ke maʻu ʻi he taimi ʻokú ke lotu aí, ʻalu ki he lotú, pea tokoniʻi e niʻihi kehé. Ko e founga ʻe taha ʻoku folofola mai ai e Tamai Hēvaní kiate kitautolú ʻoku fakafou ia ʻi he ngaahi ongo nonga mo fakafiefia mei he Laumālie Māʻoniʻoní.

ʻOua te ke foʻi.

Manatuʻi ʻoku sai pē kapau he ʻikai te ke maʻu ha tali he taimi pē ko iá. ʻOku akoʻi māmālie kitautolu ʻe he Tamai Hēvaní. Hokohoko atu hono fai e ngaahi meʻa leleí pea falala te Ne tokoniʻi koe.

Ngaahi tā fakatātā ʻa Maryssa Dennis