Dali, Sunod Kanako nga mga Kalihokan
Alang sa home evening [gabii sa pamilya], pagtuon sa kasulatan, o kalingawan lamang!
Ang Hinay, Malumo nga Tingog
Alang sa 1 Mga Hari 17–19
Istorya: Si Elias usa ka propeta. Nakat-onan niya nga ang Espiritu Santo mamulong sa hinay, malumo nga tingog. Mabasa ninyo kini nga istorya sa pahina 8 o diha sa 1 Mga Hari 19:11–12.
Awit: “Ang Espiritu Santo” (Songbook sa mga Bata, 56)
Kalihokan: Palingkora ang tanan nga maglinya. Ang unang tawo mohunghong og pipila ka pulong ngadto sa sunod nga tawo. Ang matag tawo mohunghong sa mga pulong ngadto sa sunod nga tawo. Ang kataposan nga tawo mosulti ngadto sa tanan sa unsay ilang nadungog. Unsa ang inyong mabuhat aron mas makadungog sa Espiritu Santo?
Si Naaman ug ang Milagro
Alang sa 2 Mga Hari 2–7
Istorya: Si Naaman adunay sakit nga gitawag og sangla. Si propeta Eliseo misulti kaniya nga motunlob makapito sa Suba sa Jordan aron mamaayo. Sa sinugdanan, dili ganahan si Naaman. Apan sa dihang gibuhat ni Naaman ang unsay gisulti ni Eliseo, naayo siya! (Tan-awa sa 2 Mga Hari 5.)
Awit: “Dali Ko nga Motuman” (Songbook sa mga Bata, 71)
Kalihokan: Paghimo o pagdrowing kuno hay og suba gamit ang mga bato, mga tukog, chalk, o mga habol. Dayon ambak makapito diha sa inyong suba. Paghisgot mahitungod kon sa unsang paagi ang pagbuhat sa yano nga mga butang nga gihangyo sa Dios kanato makatabang kanato.
Ang mga Kasulatan Makatabang Kanako
Alang sa 2 Mga Hari 17–25
Istorya: Si Hari Josias matarong. Sa dihang nakit-an ang nawala nga mga kasulatan, gibasa niya kini ngadto sa iyang katawhan. Misaad siya nga motuman sa mga sugo. (Tan-awa sa 2 Mga Hari 23:2–3.)
Awit: “Pagsiksik, Pamalandong ug Pag-ampo” (Songbook sa mga Bata, 66)
Kalihokan: Pagsulat, pagdrowing, o pagdrama-drama bahin sa usa ka istorya sa kasulatan sa Daang Tugon nga inyong ganahan. Sa unsang paagi kini nga istorya nakatabang kaninyo? Paghisgot mahitungod kon nganong importante ang mga kasulatan.
Craft sa Templo
Alang sa Esdras 1; 3–7; Nehemias 2; 4–6; 8
Istorya: Naguba ang templo sa Jerusalem. Pipila ka tuig ang milabay, gitukod kini pag-usab sa mga tawo. Malipayon kaayo sila! Sila “[mi]dayeg sa Ginoo” ug “naninggit tungod sa kalipay” (Esdras 3:11, 12).
Awit: “Gusto Ko nga Makita ang Templo” (Songbook sa mga Bata, 99)
Kalihokan: Pil-a og katunga ang usa ka piraso nga papel. Pagdrowing o pagpapilit og litrato sa templo sa atubangan. Dayon ablihi ang pinil-an ug pagdrowing o pagpapilit og litrato sa inyong kaugalingon sa sulod. Isulat ang mga pulong, “Mosulod ko ugma damlag.” Paghisgot kon sa unsang paagi ang pag-adto sa templo makapalipay kanato.
Si Ester ug ang Hari
Alang NI Esther
Istorya: Si Rayna Ester naminyo sa hari sa Babilonia. Misulay ang usa ka tawo sa paglimbong sa hari sa pagpatay sa iyang [Rayna Ester] katawhan, ang mga Judeo. Gikinahanglang tabangan ni Ester ang iyang katawhan. Mihangyo siya kanila nga magpuasa ug mag-ampo alang kaniya. Sa dihang nakig-istorya si Ester sa hari, misaad siya [hari] nga mahimong luwas ang mga Judeo.
Awit: “Ako Nasay[o]d Akong Amahan Buhi” (Songbook sa Mga Bata, 8)
Kalihokan: Adto sa pahina 16 ug guntinga ang mga tawo-tawo nga masulod sa tudlo [finger puppets]. Dayon gamita ang mga tawo-tawo sa pag-asoy sa istorya ni Ester.
Mga paghulagway pinaagi ni Katy Dockrill