Paglibot sa Templo

Unsay bation sa sulod sa templo? Tan-awa ang sulod sa Rio de Janiero Brazil Temple aron masuta. Ang templo mao ang usa ka dapit diin ang mga tawo modawat og mga ordinansa (sagradong mga buhat o mga seremonya nga gihimo gamit ang awtoridad sa pagkapari, sama sa bunyag).

Recommend Desk

Kon mosulod kamo sa templo, usa ka boluntaryo ang moabiabi kaninyo. Kon kamo anaa didto sa pagpabunyag ug pagkompirmar alang sa uban, kamo mopakita sa inyong papel nga rekomend sa templo. Kini nagpakita nga kamo andam na sa pagsulod sa templo. Makakuha kamo og usa ka rekomend gikan sa inyong bishop o presidente sa branch sa tuig nga kamo mag-edad og 12.

Bunyaganan

Sulod sa templo kamo mahimong mabunyagan alang sa inyong mga katigulangan ug sa uban kinsa namatay nga wala mabunyagi. Mahimo usab kamo nga makompirmar alang kanila aron sila makadawat sa gasa sa Espiritu Santo.

Lawak sa Ordinansa

Dinhi kamo makakat-on og dugang mahitungod sa plano sa Langitnong Amahan kabahin sa kalipay ug sa Iyang katuyoan alang kanato dinhi sa yuta. Ugma damlag kamo moanhi dinhi aron sa paghimo og espesyal nga mga pakigsaad, o mga saad uban Kaniya.

Lawak nga Celestial

Kining matahom, malinawon nga lawak mao ang usa ka dapit sa pag-ampo ug paghunahuna mahitungod sa mga butang nga labing importante sa inyong kinabuhi. Nagpahinumdom kini kanato kon sa unsa nahisama ang atong langitnong panimalay.

Lawak sa Pagsilyo

Dinhi niining lawak, ang usa ka bana ug asawa mahimong maminyo hangtod sa kahangtoran. Gitawag kini og pagsilyo. Moluhod ang magtiayon diha sa altar aron masilyo. Ang mga anak mahimo usab nga masilyo ngadto sa ilang mga ginikanan dinhi kon sila sinagop o natawo sa wala pa nasilyo ang pamilya.