Matinabangong mga Kamot sa tibuok Kalibotan

Himamata si Ella gikan sa Finland

Himamata ang kabataan sa Primary nga nagtabang sa uban, sama sa gibuhat ni Jesus.

Tanan mahitungod ni Ella

Edad: 7

Gikan sa: Uusimaa, Finland

Pinulongan: Finnish

Mga tumong ug mga pangandoy: 1) Mahimong nars sama sa iyang mama. 2) Makabaton og iyang kaugalingong pamilya. 3) Mahimong mag-aawit o mananayaw.

Pamilya: Ella, Mama, Papa, duha ka igsoong lalaki, ug usa ka iring nga ginganlan og Dose

Ang Matinabangong mga Kamot ni Ella

Ganahan si Ella nga ilakip ang uban. Dili siya ganahan nga mobati si bisan kinsa nga wala maapil. Gihigugma gayod niya ang iyang mga ig-agaw. Ang uban kanila anaa sa iyang ward. Bantayan niya sila diha sa Primary sa matag semana.

Ang iyang ig-agaw nga si Lehi nagpuyo sa Germany. Kon moabot siya aron mobisita, giseguro ni Ella nga mobati siya nga giabiabi. Siya midapit kaniya nga makigdula uban niya ug sa iyang mga higala.

Si Ella ug ang iyang pamilya ganahan usab nga motabang sa mga tawo sa ilang kasilinganan. Sa panimalay, malipayon niyang gihimo ang iyang mga buluhaton ug gitabangan ang iyang mga igsoong lalaki sa paghimo usab sa ilang mga buluhaton. Miingon si Ella nga ang pagserbisyo nakapalipay kaniya.

Mga Paborito ni Ella

Istorya mahitungod ni Jesus: Sa dihang gipakaon Niya ang katawhan og pan ug isda

Dapit: Iyang daycare center

Awit sa Primary: “Ako Anak sa Dios” (Songbook sa mga Bata, 2–3)

Pagkaon: Spaghetti nga adunay tomato sauce

Kolor: Dalag

Hilisgotan sa Eskwelahan: Art

Nagsunod si Ella ni Jesus pinaagi sa paglakip sa uban. Paklia ang pahina aron basahon ang usa ka istorya mahitungod kon giunsa ni Jesus paggahin og panahon sa ubang mga tawo.

Apil sa Pundok sa Matinabangon nga mga Kamot!

Kon kamo moserbisyo sa uban, sakop kamo sa Pundok sa Matinabangon nga mga Kamot! Kinsa ang inyong maserbisyohan?

Mga paghulagway pinaagi ni Billy Yong