Makalingaw nga Buhaton

Rākau nga mga kahoy

Ang Māori nga mga tawo sa New Zealand magdula og usa ka dula pinaagi sa pagpahagtok, pag-itsa, ug pagsalo sa mga kahoy duyogan sa usa ka ritmo. Pangita og upat ka kahoy o papel nga gilukot aron makadula og imong kaugalingon nga bersiyon niini nga dula!

Unsaon sa Pagdula

1. Molingkod nga mag-atubang ang usag usa sa kauban diha sa salog. Matag usa ninyo maggunit og kahoy sa matag kamot.

2. Pagpili og usa ka sumbanan sa mga lihok nga himoon gamit ang inyong mga kahoy. Makagamit kamo sa uban nga mga ideya dinhi, o makahimo kamo sa inyong kaugalingon.

3. Pagpraktis sa pagbuhat og mga lihok nga magdungan sa samang higayon. Tan-awa unsa kamo kadugay nga walay sayop! Makatukar kamo og musika ug magpraktis sa pagbuhat sa mga lihok duyog sa tukar.

Mga Ideya sa Lihok

• Ipahagtok og dungan ang inyong mga kahoy sa tulo ka higayon.

• Ipahagtok ang isig ka tumoy sa mga kahoy ngadto sa salog katulo ka higayon.

• Magbaylo og mga kahoy uban sa inyong kauban.

• Ipahagtok og dungan ang inyong mga kahoy sa tulo ka higayon.

Adurnohi ang inyong mga kahoy og makalingaw nga mga desinyo!

Salamat ngadto ni Lachlan G. gikan sa New Zealand sa pagpaambit niini nga kalihokan!

Mga paghulagway pinaagi ni Jonathan Hancock