Mga Kuwento sa mga Banal na Kasulatan
Nagturo si Isaias tungkol kay Jesucristo
Si Isaias ay isang propeta. Nabuhay siya bago isinilang si Jesucristo. Ngunit alam niyang darating si Jesus.
Sinabi ni Isaias na isisilang si Jesus bilang Anak ng Diyos. Tutulungan at pagagalingin ni Jesus ang iba.
Sinabi rin ni Isaias na paparito si Jesus sa lupa. Tatawagin siyang Prinsipe ng Kapayapaan. Ibibigay Niya ang Kanyang buhay para sa atin dahil mahal na mahal Niya tayo.
Ang mga bagay na itinuro ni Isaias ay talagang nangyari. Makalipas ang maraming taon, pumarito si Jesus sa lupa. Ipinakita Niya sa atin ang daan. Siya ay namatay at nabuhay na muli. Nabubuhay Siya ngayon!
Maaari akong matuto tungkol kay Jesucristo. Kapag naaalala ko ang ginawa Niya para sa akin, nakadarama ako ng kapayapaan at pag-asa!
Mga paglalarawan ni Apryl Stott