Pagbisita sa Set ng Video ng Aklat ni Mormon
Kamakailan lang, binisita namin ang isa sa mga set kung saan isang bagong video ng Aklat ni Mormon ang isinasapelikula. Nakita namin ang tagpo kung saan isa-isang kinausap ni Jesucristo ang mga bata.
Minasdan namin ang paghawak ng mga bata sa mga kamay ng artista na gumaganap kay Jesus. Nagsalita Siya sa kanila sa mabait at magiliw na paraan, tulad ng ginagawa ni Jesus.
Sinabi sa amin ng mga bata na dahil sa kanilang karanasan, lalo pang lumakas ang kanilang patotoo tungkol sa Aklat ni Mormon. Si Jesucristo ay talagang nagpakita sa mga Nephita. Talagang binasbasan Niya ang mga bata. Totoo ang kuwento.
Maaari mo ring malaman ito. Pag-aralan ang Aklat ni Mormon. Panoorin ang mga Video ng Aklat ni Mormon. Kapag ginawa mo ito, malalapit ka kay Jesus. Mahal ka Niya. At tutulungan ka ng Espiritu Santo na madama ang pagmamahal at kapayapaan ng Tagapagligtas.
Ang artista na gumanap kay Jesus ay mabait at magiliw.
Gustung-gusto ng panguluhan ng Primary na makilala ang mga bata sa video set.
Sa tagpong ito, ang mga anghel ay itinaas sa ere sa hangin sa pamamagitan ng mga kawad!
Maraming bata ang kailangan sa video.
Pinayungan ng batang ito ang camera operator para hindi mainitan.
Parang pakiramdam ko isinasabuhay ko ang Aklat ni Mormon.
Emoani W., edad 11
Nakatulong ito sa akin na malaman na dinalaw ni Jesus ang mga taong ito.
Isaac P., edad 7
Nang magpakita si Jesus at ang mga anghel, sumaya ako.
Lilly W., edad 8
Maaari mong ibahagi ang video sa lahat!
Castle W., edad 9
Mas matututo ka tungkol kay Jesucristo.
Christina C., edad 9
Napag-isip ako nito kung ano kaya ang pakiramdam na makilala si Jesus.
Rhett M., edad 4