’Ā’amu nō roto mai i te mau pāpa’ira’a mo’a

Fa’aorahia i te auahi

E mau hoa maita’i ’o Sadaraka, Meseka ’e Abede-nego. ’Ua tauturu rātou te tahi i te tahi ’ia mā’iti i te maita’i.

I te hō’ē mahana, ’ua parau te ari’i i te mau ta’ata ato’a ’ia pure i te hō’ē ti’i ’auro. Mai te mea ’aita rātou e nā reira, e huri ’oia ia rātou i roto i te auahi.

’Ua pure te tahi atu mau ta’ata i te ti’i. ’Āre’a rā nā hoa e toru, ’ua pure noa rātou i te Atua.

’Ua riri te ari’i. ’Ua huri ’oia ia Sadaraka, Meseka, ’e ia Abede-nego i roto i te auahi.

’Aita rā rātou i pa’apa’a i te auahi ! ’Ua ti’a te hō’ē ta’ata nō te ra’i i pīha’i iho ia rātou ’e ’ua pāruru ia rātou.

E nehenehe au e mā’iti i te maita’i, noa atu e mea fifi ’ia nā reira. E tauturu mai Iesu iā’u ’e e pārahi mai ’oia i pīha’i iho iā’u !

E nehenehe ’outou e tai’o i teie ’ā’amu i roto i te Daniela 3.

Fa’ahōho’araʼa nā Apryl Stott